السلام عليكم ورحمة الله وبركاته
لكم وحشة يالمرقابيين والله
سامحوني على التقصير
،
،

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
زوع قلبي زوع طيرٍ على الهجرة نوى=غيّر الديرة وهاجر مع اسراب الطيور
يوم زاعت وإستقلت على متن الهوى=عقبت جرد الصحاري وغبات البحور
ولجتي لجة ذويدٍ على عد الروى=ورّده ورعٍ مسيكين والحظ معثور
الرشا فوق المحاله تعقد وإلتوى=والمحاله من ردى الحظ عيت لاتدور
وجد حالي وجد ذيبٍ السراة اللي عوى=يوم لج الصوت ماجاوبه غير الصخور
له وليفٍ سارح الصبح وابطا ما ضوى=فاقده واتلا العهد صبح والبندق يثور
اشهد إن الفقد ماله طبيب ولا دوى=واشهد إن العمر لحظات والدنيا غرور
ياكريم الوجه يامن على العرش إستوى=ياعليم بما تكنه مغاليق الصدور
عوضنا في من فقدناه وإجمعنا سوى=في جنان الخلد يوم القيامه والنشور[/poem]