- ( الفجر القريب ) ؛
[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
سكوتي غصن وطيوره عليه تبات = نسانيس الصباح .. تطيّر طيوره
أصيد أيّات لا طارت وأخلّي أيّات = علومٍ .. تخرج الرجال عن طوره
وأنا شاعر وشعري فـ / أخر الأوقات = أحس إني شهيد إن متّ فـ / بحوره
عطاني الله صوت بـ / زحمة الأصوات = يميّز شاعره .. ويوّصل شعوره
حضر تاريخ الأمّه هادم اللذات = أوادم عايشه .. وأحلام مقبوره !
ياحلو سيوفنا .. أيّام الفعاليات = من الدّم الحمر ماهي بـ / مقطوره
بعد ما تضرب الأرقاب والهامات = غدت من زينة المجلس وديكوره
تناسينا الجهاد وطاحت الرايات = ورضينا بالعوض في راية الكوره
يمر اليوم : نكتب فالغرام أبيات = يمر أسبوع : ما نقرء ولا سوره
يطيب إلنا السهر على الفضائيات = ما كنّا ندري إن الشام مقهوره
يا أخو نوره يا أخو مريم هل العادات = يا كم مريم تهان وكم بكت نوره
ما شفنا من مواقفكم ( صلاحيات ) ! = على أن ( الدين ) فيكم رويت جذوره
ومواقفنا مداين من غبن وسكات = لكن من الثناء ماهي بـ / معموره
من دموع الثكالا فـ . أحوّج اللحظات = ما تستركم مشالحكم ستر عوره
عليكم لوم الأمّه وأنتم القادات = وحنا ( شعوب منهيه ومأموره ) !
يا قرب أجسادكم , وإذا القلوب شتات = على هالحال كلٍ ينتظر دوره
متى الفجر القريب يبدد الظلمات = لا شعشع .. كل نجمٍ يختفي نوره
تلوموني على القسوه وجلد الذات = وأنا أعيش الحدث بالصوت والصوره
هنا قتلا الغرام ؟ أكثر من الأموات = على أرض الشام من بداية الثوره ![/poem]