السلام عليكم







دوّري عن طولة البال والصبر الجميل
وكل طعنه هيّنه من يدينك موجعه

شاعرك لاهبّت الريح والجو العليل
حزن يستقبل عيونه وحزن يوّدعه

كنّ ( قرّبك ) ( رزمة المال ) بيدين البخيل
ان طلبته ما معه وان عطيته ما معه

ياجعل عمرك طويل وعسى عمره طويل
لو ما يملك عذر مقنع وحجّة مقنعه

الوصل نصفه مراره ونصفه سلسبيل
نشبعه حتى نجوع ونجوع ونشبعه

راس مالي من موادعك والحب الجزيل
ذكريات*ٍ عالقه في الجهات الاربعه

كل ما مال اتجاهي على الوجهه تميل*
وصوتها مااقدر اطوله ولا اقدر اسمعه

مثل ظل الادمي كل صبح وكل ليل
لا وقف ياقف معه وان تحرّك يتبعه

لكن اللي يلمس الغيم ويطول النخيل
ثابت*ٍ في موقفي لو تطيح الاقنعه

شاعرك رغم المسافات والحمل الثقيل
ما احترى فزّعة سنافي .. ووقّفة امـّعه !!*

صبّ المشاعر والشعور الفاخر
واتعب على الفكره وحطّ اللمسه !

وان كان ودّك .. تسمع مْن الآخر ؟
ترى القصيد الزين .. يفرض نفسه !!