قصيدة لاتعمم على رجالات العرب وعلى الكثير من اشاوس الجزيرة
ولكن لغتها كانت بسبب طول الصمت
إقبلوها كما أتت
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
طال الظلام وزاد غبن الرياجيل = والصبح طوّل ونتّرقب حلوله
اليوم يشرب للمهانة فناجيل = ومنولن رمز العرب للبطوله
يمرر الفنجال بين المشاكيل = ومافيهم الّي يظهرنّه فعوله
نقول حنّا للمصاعب حلاحيل =والشام فيه العار ماحدن يزوله
ونقول حنّا للكرامة محاصيل = والشام فيه الجوع بيّن محوله
ونقول حنّا للحموّه مداهيل = ماكنهم بالشام ربع وحموله
لانملك الحيلة ولانملك الحيل = ماتوا ونرقب دمهم في هطوله
نغض عنهم طرف ونقول ياليل = يفزع لهم ربًّ(ن)عزيز شكوله
يبدلّ الاحزان فيهم بتهليل = والي يجاهد نصر ربه ينوله
ونقول حنّا نعدل الحيف والميل =والحيف فينا حط صوله وجوله
ونقول ننطق حق لوهي علاعيل = والّي بلانا ماقدرنا نقوله
ياطيبنا طيباه فالقال والقيل = وإن حانت الأفعال جتنا خموله
الشرق الاوسط واقعن بالمحابيل = وشبابهم عن كل عزً ملوله
نياتهم بالدين فرقه وتفصيل = والبعض فينا صار يقبض عموله
يتبع قوافلهم قوافل مهابيل = عمالة الخيبة بليّا رجوله [/poem]
|