مالي صديق ولا قريب ولا حبيب
من يوم غبت وغابوا العالم معك

عرفتني ولا بعد صاير غريب
انا هذاك اللي يجوع ويشبعك

اللي لقاك وصار حبه لك نصيب
اللي يودع خافقه لا ودعك

هذا انا اللي كان من وصلك قريب
ورحت وبقى مع كان قلبه يزرعك

يحاول بفكره وصدره يستجيب
للبعد ويطيع الجفا ويطاوعك

ومع كل مره دافي احساسه يجيب
صورة غلاك اللي دفاها مطلعك

تعال ما به بيننا شكٍ وريب
قل ما تبي وانا بصمت اقاطعك

انا لك الطلاب وانت اللي طليب
وتسكن ورى اضلاعي وانا خلف اضلعك

متشابهين وبيننا حزنٍ رتيب
وتتبعني الرغبه عليك وتتبعك

وأن ما تلاقينا فانا ببقى صويب
وأنت الله يسامح ثمانك واربعك

سبحان الله وبحمده
سبحان الله العظيـم