|
واحيان ما رد الجميل ابـ على الكيف
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله ياكاسي عرى الارض بالنبت=لبستها بالحسن مثل المقاطيف
يامفضل الجمعه على ليلة السبت=تسبح بحكمتك الكواكب بتصريف
طالبك ياللي مالغيرك تطلبت=غيرك لو اطلب ماعطى امل واعيف
انت الكريم اللي لجودك ترقبت=اطلبك مامليت والحح بتلهيف
دنيا الشقا مالت ومنها تعذبت=عجزت لا الحق واغطي التكاليف
كم بعت غالي مرخصه ماتغلبت=يرخص وفاء لاهل الوفاء والمعاريف
لجل الجميل اشويه ماعاد حسبت=واحيان مارد الجميل بعلى الكيف
الايام مشتني على غير ما احببت=واحث عزمي حث هجنٍ مناكيف
واصبر واصارعها ومن صبري اعطبت=صبرٍ جرحني جرح سيل امطر الصيف
عز الله اني نادمٍ عقب جربت=واني على الماضي كثير التحاسيف
وادري لو إني بالثريا تقطبت=مالي عن اللي كتب في اللوح ماشيف
لولاي اوسع خاطري كل ما اتعبت=من الهجوس اللي تسج السراجيف
على النشاما اللي ليا جيتها اطربت=مثل ابن شتوي علي والا لبن هيف
لا جيتهم متعومسٍ خاطري طبت=جعله فداهم كالح الوجه للضيف
فضفضت عن صدرٍ تضايق من الكبت=معهم وشرواهم طعم للسواليف
عن جلسة اهل القول والقيل جنبت=مامن وراها الا لهود وعجاريف
اما هثم وافي ورديت واغتبت=والا مدح ناقص وزاد المراظيف
سلكه دقيقٍ لو بخصته ونسبت=قصير يد ولسانه امضى من السيف
[/poem]
جرحٍ عطيبٍ لا قتلني .. ولا طبت = وعزي لمن جرحه صطا به ولا شيف
طبّه صعيبٍ هيّنٍ .. لو تطبّبت = لكن ما طب الجروح ابـ على الكيف !
|