|
ليه اصدّ ؟
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
اغيب ، واصدّ ، واتعمّد جفاك = ماهو على شان حبك ما أبيه
بالعكس ، فالقلب يامااكبر غلاك = لكنّه يخاف .. لاتضحك عليه
يخاف تزهمْه .. ويروّح معاك = ويعوّد بجرح ثاني .. في يديه
لاتلومه .. ان راح ماحقق رضاك = وان شككك صمت لا يمكن تعيه
ياكثر ، ماشاف فـ احبابه هلاك = وياكثر ، ماطاح من عينه وجيه
مرتاع من داك ، طمعان بـ دواك = ومحبوس .. مابين لاء وبين إيه
وانت اسأل غصون صدرك .. عن هواك = ويجاوبك .. كل شيٍ طاح فيه
لو اني هنيه ، وانت اللي هناك = انا اللي هناك ، وانت اللي هنيه
احساسك يعلّمك قيمة غلاك = ويعلمك ليه اصدّ ؟ ان قلت ليه ؟
احياناً ، تصد عن شيٍ يباك = واحياناً ، تصد عن شيٍ تبيه
[/poem]
|