|
يازين ملحك
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
مانقّص غيابك .. من حضورك = ولو قلت ابنسى ، ماني بناسي
ولو طلّعك من قلبي .. غرورك = وشلون تطلع بس ! من راسي
ولا تعتقد .. لاقلت ابا ازورك = يطيح كبر اظفرك .. من باسي
ليت الهوى .. من شوري وشورك = ماكان .. هزّ المرقب الراسي
تعوّد احساسي .. على نورك = وانته بعد ، في ذمة احساسي
القلب قصرك ، والغلا سورك = ياالمستبدّ ، اللين ، القاسي
لاتسمع .. لعميانك وعورك = والله ، ماتلقى مثل كاسي
ولولا ثلاث اشيا .. ورى جورك = مات الأمل .. في معركة ياسي
لذّة غلاك ، وصادق شعورك = وملامحك .. في وجه هوجاسي
عوّد ، على بحرك وبابورك = يازين ملحك .. داخل اقواسي
إرم الزعل .. من نافذة بورك = واخذ الرضا .. من نهر كرّاسي
وإقنع شذاك .. يعطّر زهورك = وانا ، باحاول واقنع انفاسي
والله يسامح .. شجرة طيورك = يوم استفزت بالجفا .. فاسي
إلى هنا دوري ، بقى دورك = يابعد .. كل احبابي وناسي
[/poem]
|