اسعد الله ايامكم بكل خير
وعذراً لكن الوضع في الدنيا كله متدهور
بويتات طرت وصارت







مريت صفحتها على تويتر اليوم
وشافت عيوني شي ماكان خافـي
يتابعـون الـريـم مــن علـيـة الـقـوم
تسعـه وتسعـيـن وعليـهـم يضـافـي
عشـره كـبـار وشعـرهـم در ونـجـوم
ابــــداع والابــــداع حــقــه يـشــافــي
والكل منهـم يرمـي الرمـي بسهـوم
ويقول انا اصيد الظبـي باحترافـي
يكفينـي اسمـي يـوم تـقـراه مـلـزوم
تحـبـنـي مـــن قـبــل تــنــه الـقـوافــي
والظاهـر ان الربـع فاوهـام وحـلـوم
عاشـوا كـذا فتـره وعـاشـوا خفـافـي
مايدروا ان الريم لـه وقـت مغـروم
بحـبٍ ثبـت بيـن الضلـوع الرهافـي
حـــبٍ قـديــم وبـيـنــاتٍ لــــه رســــوم
بـاقـي ولــو هـبـت علـيـه السـوافـي
ماتـزيـلـه الايــــام يــــومٍ ورى يــــوم
ولو طالت سنين الهجر والتجافي
في قلبها حب النزاهه على الـدوم
يـنـور ولــو نــور المحبـيـن طـافـي
في قلبهـا شـيٍ مـع النـاس معـدوم
لـو اشرحـه بيـطـول وقـتـي وقـافـي
احسـبـه فـعــلاً وانـــا مـنــه مـحــروم
وانـا عـلـى عـهـد الـغـلا دوم وافــي
مريت صفحتها وانا عندي علـوم
وطلعـت منهـا بـعـد قـلـت اعتـرافـي