أعرف بداية مدخلي واعرف نهاية مخرجي
ولياتشتت شي من فكري على طول اجمعه
هذي علومي كان تبغاها وهذا منهجي
ولياعتبرته لغز فكّر فيه ساعه وارمعه
أسري مع الهاجوس وان ماجازلي مسراه اجي
واللي على مسراي حاديني خذا قلبي معه
أسج عن هرج العرب واقول ياروح اهرجي
وان كان قالت شي من كثر اللجاجه ماسمعه
وانا من القيفان غير التسليه ويش ارتجي
الا رسايل شوق ومكافح فضول الامّعه
قبلي قصايد بندر ابن سرور ومعيض العجي
ماليّنت قاسي ولاصفّت ضباب المعمعه
لكن يارجلي على درب المهمات ادرجي
لاتاقفين الا بمسجد صح ماهو صومعه
|