بالله شمس الغروب,اكتب لروحي رساله
على خيوطك قبل ما تعلنين الغروب

جول الطيور وسكون الجو يذهل جماله
ويْثير عذب القصيد,الله يَغَفْر الذنوب

عادي ولو كانت حْروف الغلا في عُجاله
بين المواليف رمز يْجيب مافي القلوب

لهفة غلانا بسمانا نجمٍ تمَيّز لْحاله
والشوق لو مر عـ القطب الشمالي يذوب

مناي,نسمة هواي,اقصَى جهودي وصاله
لو قصّر الحظ عن بلسم حياتي مـ اتوب

وان طاب حظي وسوّىَ الوقت فيني جماله
والا بصيص الامل شمعه تضيء الدروب!