أبي دلةٍ تجلا العماس ويطيب الراس
على فوحها لاكثروا هيلها فيها

كذا لازم السهره وطبع العرب والناس
وكلٍ على ذوقه وكيفه يسويها

فيها زعفران بنكهةٍ تنعش الانفاس
بلون الذهب مع زنجبيلٍ مزكيها

وفي دلة الرسلان تلمع مثل لـَـ الاماس
ومـ لذ من غالي وحالي حواليها

والا مْن القصيد العذب والرايق الحساس
تطيب القوافي لو تشفّر معانيها

جذور الهوى ياكم لها يـ الغلا يباس
ترقّب سحاب الوسم ياعل يسقيها

جفى الوقت وظْروف القهر والسهر والياس
عوامل قويه تَهْدم جْسور نبنيها

لاهبت عواصفها لو انك قوي الباس
تكدر مزاجك لو تحاول تعديها