الله على شوف السحاب المراويح
اللي بروقه فوق نجد العذيّه

شوفه يشوق اهل الوجيه المفاليح
الكل يفرح به و يرقب مجيّه

وبله ينسيك التعب والتباريح
ويجلا الشقى عن كل نفس ٍ شقيّه

ويفرح بشوفه راعي الفطر الفيح
راع العلوم الغانمه والنقيه

لاقام يسبل من مزون ٍ ملاويح
الارض تروى به صباح وعشيّه

ينبت بَعده العشب والورد والشيح
وتحيا الفياض وكل زهرة نديّه

هذا الكلام اللي مايحتاج توضيح
يازين شوفه لا استهل ابرديّه
محمد مرزوق السميري

((سبحان الله وبحمده سبحان الله العظيم))