أرجو أن تحوز على اعجاب من يتكرم بقرائتها






.


[poet font="Simplified Arabic,5,black,normal,normal" bkcolor="transparent" bkimage="backgrounds/18.gif" border="double,4,gray" type=0 line=200% align=center use=ex length=0 char="" num="0,black" filter=""]


ياسديم السحاب اللي بروقه تلوح =انعش عروق قلبٍ غادياتِ هشيم

أنتظر مد وصللك وأنت طبعك شحوح=كيف تحكم بموتي وأنت عندي حشيم

أنت بلسم جروحي وأنت راس الجروح =وأنت عقل المجنن وأنت جن السليم

قلت رذراذ مسك وقلت عنبر يفوح =وقلت زهر الورود اللي طرقها النسيم

وقلت عقد الجواهر فالجبين الصبوح=وقلت بدرِ تجلّى فالظلام العتيم

واقصرت دون وصفك شامخات الصروح=توك أثبت قولة بالوصايف عديم

لوكتبت الوصايف فوق تسعين لوح=صارت أملاح صبخا وأنت قطّار غيم

أنت خليت منهو حالفِ ما يبوح = يفلت أسرار قلبه هايمِ مستهيم

وأمكروا به ربوعِ يكثرون المزوح =وأشعلوا وسط قلبه جمرةِمن جحيم

لوتحلوك فاحوا فوق تسعين فوح =وفوق عذري بحبك يطردون الحريم

ياأبوناصر حزامي ياالصديق النصوح=أنت شيخِ مقدر والمعزب كريم

كلكم من سلايل كاسبين المدوح=أنقذوني صوابي عالقِ بالصميم

ميتِ في غرامه قبل نجمه يلوح =وبعد مالاح نجمه دربنا مستقيم

شمعة الفين هاذي من على وقت نوح =منوة اللي تمنى في حياته نديم

ان حصل لي وصاله زان ليل الفروح =وأن تعذر وصاله عزتي لليتيم

ويش خانة حياتي ما بلغت الطموح= دوك قلبي هدية وألعبي ياسديم

وأعتبرني مقصر لوفديتك بروح=يحفظك من حفظ طيبة وصان الحطيم

[/poet]


وسلامتكم