منتديات المرقاب الأدبية - عرض مشاركة واحدة

11-12-2003, 12:24 AM

المشاركة الأصلية كتبت بواسطة

كاتب الرسالة الأصلية فهد القويعي
السلاااام عليكم يالربع ومساااكم الله بالخير

مشاركه بسيطه والعذر منكم كان فيها قصور

[poet font="Simplified Arabic,5,white,bold,normal" bkcolor="transparent" bkimage="http://www.zizooo.ws/gallery/09/thumb/374.jpg" border="none,4,gray" type=2 line=200% align=center use=ex length=0 char="" num="0,black" filter=""]
العز بالله . والكلام أحيان مايبرد غليل=لاكان هاتي يا هواجيس القصايد ماتبين
سلام ياشعر النبط ماعاد فالدعوى حصيل= اقولها ويقولها قبلى (عشير الغانمين)
تقاطعوك أهل التطور صرت كالتمر الحويل=ماتت عذوقك من صواديف الليالي والسنين
العذر منك ولا تحاسبنا علي زلات جيل=جيل (ن) يقولون التوالي افضل امن الاولين
شعّار شهرة يعتقون الغث ويموت الجزيل=ماعندهم مانع يصير الضعف في صف السمين
اصحابنا اللى يحسبون اقصر جبل مثل الطويل=يالين راح الجيل هذا كلبوهم مبدعين
لو القصايد تنوخذ بالرمح والسيف الصقيل = والله ماياقف ضدنا يا غير ابو جنبن متين
لكان راح الشعر فالمنصب وتقدير الخليل=والنوط بالدينار ومجامل وهذا ولد مين
البارحه ليل (ن) يعدى ياجماعه كل ليل=اعوذ بالرحمن من عرضتك يا بليس اللعين
ماغير ادرجها بفكري واتحاشا كل ميل= واسج لحظه ثم اصوّت يامعين الصابرين
ام الفشق تبغا فشق والنار تقدح يالفتيل=والعلّه الصرما صرمها الوقت والحاين يحين
وام الحكل تبغا كحل والثوب يبغاله شليل=يعني( بدون مجامله) مقطاع خشم وطرف عين
ماعاد باقي غير عزلك يالكثير أمن القليل=اما على الخمسين ولا في حدود الاربعين
الارض رمضا والعطش قتال وانفل الصميل=والدرب مظلم والضوارى من يسار ومن يمين
الرعد يرعد فالسما والبرق يقفاه المسيل=وان سال راسك يا جبل سيّل شعيبك يابطين
ماعاد باقي في محل البدو غير اسروج خيل=وشداد شقران الجمل والله يبيح الميتين
و

لو القصايد تنوخذ بالرمح والسيف الصقيل=والله ماياقف ضدنا ياغير ابو جنبن متين
[/poet]

درع الشـــــــــــــــــعر

الشاعر الفذ : فهــــــــــد القويعي ،،

بيّض الله وجهك ياذيبان قلت وأجدت ،

هذا القول اللي يجمد على الشارب ، ماهوب قولي

أنا ، اترك قولي على جنب هذا الكلام وبس ، يزعل من يزعل ويرضى الراضي .