بسم الله الرحمن الرحيم

المدراء والمشرفين والاخوان والاخوات الاعضاء

السلام عليكم ورحمة الله وبركاته:ـــ

سمعت هذه القصيده من احد الشيوخ واستأذنته بنشرها فالمرقاب

فوافق على طول وتمنى مثل ما اتمنى ان تنال اعجابكم

البارحه جوني ثنين يصيحون
*********************************** بنت وولد والدمع فالخد سالي

فزيت من نومي وانا شبه مجنون
*********************************** ولياي تالي الليل وحدي لحالي

ونمت000 ولياهم عليه يعودون
********************************** قالوا: دخيلك ياكريم السبالي

قلت:اخبروني ليش بالله تبكون
********************************** قال الولد: بالله معجبك حالي؟

اختي خذوها ناس من قوم صهيون
********************************** وهذى علينا عار فاول وتالي

وانا لحالي ما معي جنب ومتون
*********************************** خمسين عام اصيح والوقت طالي

وين الملوك اللي لهم سمع وعيون
*********************************** ووين الشعوب اللي جنوب وشمالي

ازهم بعالي الصوت عيٌو يردون
********************************* واسمع من الاكذاب كبر الجبالي

عشرين قمه فاشله لو تحلفون
********************************* تخدير000 والتخدير سم الرجالي

من بعد راح القدس وش عاد تبغون
********************************* من داس اخويه داسني بالنعالي

هبو بنا للقدس لازم تصلـــــــــــون
********************************* الموت حق , ولا نهاب القتالـــــــي

القدس قدسي لو فالقبر مدفون
******************************** القدس قدسي والمصوب عيالي

ويالله ياللي بامرك الكاف والنون
********************************** يا واحد(ن) من فوق الامات عالي

يا حي يا معبود يارب ذا النون
********************************* وانجيت يونس من بحور(ن) طوالي

النصر من عندك على قوم شارون
********************************* ويا واحد(ن) منشي مزون الخيالي

وصلوا على المختار الف(ن)ومليون
******************************** شفيعنا نهار تحصى العمالــــــــي

القصيده منقوله عن قايلها الشيخ ابو ناصر البراق
وسلامتكم وسلامت قايلها000 والمعذره منكم ومنه لسوء الاخراج
تحيات ناقلها
اخوكم ابــــو
تركييييييييي