أخواني الأعزاء /ادارة ومشرفي وأعضاء ومرتادي هذا الصرح الشامخ

هذه القصيدة رد على قصيدة شاعرنا الكبير/حسين بن علي العتيبي

أرجو أن تحوز على رضاكم و اعتذر للأخ العزيز والصديق الوفي /أبويزيد عن التقصير

في حقه وحق قصيدته.



[poet font="Simplified Arabic,4,black,bold,normal" bkcolor="transparent" bkimage="backgrounds/9.gif" border="double,3,gray" type=0 line=200% align=center use=sp length=0 char="" num="0,black" filter=""]





يامرحبا ترحيبةٍ بالتواديد=يفوح معها من شذا المسك هبّاب

يبعد نباها ضيقة الصدر تبعيد=وتطرد عماس اللي من البعد نجّاب

مع مرحبا ماتنحصي بالتعاديد=فرضٍ علينا للنشامى وميجاب

ضيفٍ لفانا طلته كنها العيد=حي الصديق اللي لفانا وما جاب

ياعبيد لو عدنا التراحيب ونزيد=ما عبرت عن ما نكنه بالألباب

ترفع لك البيضاء بروس المشاهيد=وعادتك دايم للمعاريف كسّاب

وصّلت خطٍ بدد الهم تبديد=غيثٍ من الرحمة على الروح سكّاب

أطرب بلابل خاطري بالتغاريد=وأنبت بصندوق الحشا خوخ وأعناب

والريح مسكٍ ينعش الروح ويعيد=بلسم فوادٍ من عنا الوقت منصاب

من راس قرمٍ عبّد القاف تعبيد=نوادرٍ من مهجته شرد واعذاب

يسوقها سوق الصعب بالمساجيد= خلا الصعب يمشي مع الدرب ميداب

حسين لاصفّوا كبار القواصيد=ياقف مع أولهم معه سيف واحراب

تاج المراجل والفخر والتماجيد=علق على صدري وسامين لاخاب

شيخٍ معودنا على الطيب تعويد= ومن كل طيبٍ فيه مدلى ومجذاب

حرٍ ليا منه شهر يدمر الصيد= يصفق بجنحانه ويلحم بمخلاب

غطّا على عنتر وحاتم وأبوزيد=رمز الشجاعة والكرم عند الأعراب

وأنا منوّل ناسٍ الشعر ومهيد=واليوم جاني من هل الشعر نبّاب

قافٍ لفى تاجب عليه المراديد=وأنا أتشرف وأتحفوا بالأنجاب

من ظن فينا الطيب يلقا التواكيد= ونفك عنه من العنا كل لولاب

ماأجلس على نارٍحطبها مراميد= ولاآرد على رسٍ ضواميه طنّاب

أغوص غبّات البحور السواميد=وأبخص دررها كيف تلقى وتنجاب

بنات فكرٍ مادخلهن تصاديد=ما أعترتهن سلفة ولاني بنهّاب

أصبّها صب الذهب بالمباريد=وأعبا لها عندي عن العذف نتّاب

وياحمود فندتك من الناس تفنيد=حيث أنت لاهايب ولاأنته بمرعاب

طيار ومقدم وحازم وصنديد=وأسم الندا وقت المهمات حطّاب

أخذ الرسالة ياعسير المناويد= رسول سلم ولا زهمناك حرّاب

علّق وسام موحّد الشمل توحيد=والتاج والنجمة على الونق والكاب

وأضرب لأبو خالد تحية وتمجيد=مطوّر الجيش السعودي بالأسراب

زوّد لنا بالأف ففتين تزويد =من دون بيت الله ذرى سور وحجاب

أسمٍ ليا عرّض على راعي الكيد=يفز فزة نايمٍ ناهشه داب

مكتملةٍ باللي تمنّاه وتريد= وقمر صناعي للفضاء دوم جوّاب

مشلاعها يفحم سبوق العباريد=ويجي لها مع حاجز الصوت ملهاب

ومع الفضاء تسبق من الجن مرّيد=ورادارها يكشف مكامين الأخطاب

من دار أبوفيصل كعام الأضاديد=تنحر بها عمان لحسين ندّاب

وليا وصلت انزل لعمان برويد=وخاطب مطار كوين عليا بذبذاب

يستقبلونك في حفاوة وتوديد=وبيفتحون الك المدرج والأعتاب

وانزل و واصل وجهتك بالتناصيد=للجامعة وأقدم على سيد الغاب

أقدم على النادر نزيه المقاصيد=يفز في وجهك طروبٍ وعجّاب

ويأخذك لقصورٍ بناها مشاييد= فيها الشحم والكيف والنجر قنّاب

سلّم عليه وشجّعه بالتواريد=وأنته حكيم وفاهمٍ كل الأسباب

ياحسين يامدهال هجنٍ فدافيد=عقب التعاسة والعنا والتغرّاب

حبل الوفا ماينقطع بالتباعيد=بيني وبينك بالملازيم مقضاب

أبشر لنارٍ تسعر الجوف تخميد=وأبشر لكسرٍ شاعٍ العظم ظبّاب

بالمال ننفد غالي المال تنفيد=وبالموقف الصارم نوقّف وننهاب

كلش فدا راسك عسى أيامك تزيد=آمر وأنا حاضر على كل مطلاب

أقسم برب البيت محيي المهاميد= أني معك صادق ولاني بكذّاب

وأنا على شوفك كثير التواجيد=نفس الشعور اللي يشوقك وينتاب

البدر مثلك ياعدو المناقيد=يفقد ليا منه عن المنطقه غاب

لكن جسّد مارسمناه تجسيد=المطلب اللي ماهقوا فيه الأخياب

المرجلة ماتنكسب بالمراقيد=تكسب بعضات الأشافي بالأنياب

أقر آية الكرسي تلاوة وتجويد=وأحفظ تبارك والتغابن والأحزاب

والصبر مفتاح القفول المجاويد=وأطلب لك التوفيق من رب الأرباب

ويامسندي لازرتنا بالمعاويد=نبي نزور ديار وافين الأحساب

دارٍ لنا دايم عليها مراويد=أحبها حبً على الكبد نشّاب

أحبها من حب روس المحاميد= اللي تعلوا في سنا المجد مرقاب

بفعلٍ مخلّد مع هل المجد تخليد=وعدوهم يونس على الكبد مشهاب

والعهد ثابت ما يبا العهد تجديد=ولايندثر عهدٍتعلّق بعتّاب

والله يحفظك من عيون الحواسيد=تاجٍ على راسي مرصّع بالأذهاب


















[/poet]