محمد الكرشمي

المشاركة الأصلية كتبت بواسطة

كاتب الرسالة الأصلية علي سالم
[poet font="Simplified Arabic,5,white,normal,normal" bkcolor="transparent" bkimage="backgrounds/69.gif" border="double,4,gray" type=2 line=200% align=center use=ex length=0 char="" num="0,black" filter=""]
الى اعزائي قراء المرقاب

مع اجمل تحيه

يانفس صدي عمد وارقي من رفاع اليا رفاع=وانتي عزيزه مارضيتي بالتدني والخضوع
تجاهلي وارقي على قمّة مراقيب السباع=لو التذلل يشبع الانفس يموت الذيب جوع
مير المثل قال القناعه كنز والدنيا متاع=والمغريه لو تغري الطماع ماتغري قنوع
وانا احمد الله يوم اسوق الرجل فالسبل الوساع=وان سقتها قدّام مايطري على بالي رجوع
اصد عن بعض المداخل عمد قصرٍ للنزاع=من خوف لا تجذبني الزله وانا رجلٍ جزوع
تجزعني الزله ليا جتني من لسان الشجاع=لو كنت اصم ابكم ليا صارت من لسان الدنوع
مانيب جاهل مير تحكمني تقاليد وطباع=واشوف ناسٍ مايعرفون النزول من الطلوع
من يطرد الدنيا محبة قدر يبشر بالضياع=واللي يعدّي فوق مايحسب,مصيره للوقوع
واللي يعبد وجيه خلق الله مثل عابد سواع=انا دخيلك ياعظيم الشان من بعض الركوع
يالله لاتظفي على وجهي من الغفله قناع=والهمني الطاعه ولا تجعل جبيني بالمنوع
انا عليّ من الذنوب السود مالايستطاع=تاخذني الغفلات والانسان مخلوقٍ هلوع
غرقان فاللذات والايام تطويني تباع=على سفر واليوم يقرب من ربوع ليا ربوع
اسألك حسن الخاتمه يارب لحظات الوداع=والعفو والغفران من شيٍّ ورى حدب الضلوع
اناعدوّ ابليس والشيطان معصيٍّ مطاع=احيان يغويني على ذنبي واطيع النفس طوع
وأذنب وانا من رهبة الموعد معاليقي شباع=والخوف يدخل في شراييني على مليون نوع
خوفي من اللي مقتفيني بعد مايطوى الشراع=والصحف والميزان والانكال في يومٍ يروع
والعمر مهما طال حبل العمر لابد انقطاع= وليا ذكرت اللي مضالي كنه اقصر من سبوع
يارب زدني خوف وايمان وتأمل واقتناع=ونور وهدايه منك وأسكني ملذات الخشوع
وزدني يقين ومتع اسماعي بحسن الاستماع=يالله ولا تجعل عيوني منك تبخل بالدموع
النفس أماره وانا والسوء في حرب وصراع=والفاتنه تلعب على عيني مثل لعب الفروع

وسلامتكم
[/poet]

فقط ما اقدر اقول الاا صح لسااااانك ملااااييييين وما تكفي


اعجـــــــــــــــــــــــاااااابي يبو سااالم

[poet font="Simplified Arabic,5,blue,bold,normal" bkcolor="transparent" bkimage="" border="none,4,gray" type=3 line=200% align=center use=ex length=0 char="" num="0,black" filter=""]
القصيد اليا انفتح بابه وسخـرت المعانـي
ما كتبت الا الجزيل ولا رسمت الا الحقيقـه
[/poet]