عبدربه

المشاركة الأصلية كتبت بواسطة

كاتب الرسالة الأصلية عبدالله القثامي
بسم الله الرحمن الرحيم

اخواني وأخواتي اعضاء منتدى المرقاب

اخواني الزوار

أرجو قبول هذه القصيده


[poet font="Simplified Arabic,5,black,normal,normal" bkcolor="transparent" bkimage="backgrounds/13.gif" border="groove,4,gray" type=2 line=200% align=center use=ex length=0 char="" num="0,black" filter=""]
ماللعتب يا قايد الغيد داعي= أعرض عن الجاهل بخيره وشره
بعض الخطا يا زين والاندفاعي= ما من وراه الا الردى والمضره
أيامنا يا نور عيني متاعي= متقلبه مابين حلوه ومره
إتحط للعاقل مطبٍ صناعي= وتلبس الجاهل بجوخه و دره
وطبع العواذل مثل سم الافاعي= قبل تبثه حالته مستقره
واليا مشى بين الحنايا وشاعي= يابعد منفعته ويا قرب ضره
وليا تمكن ف القلوب الوجاعي= حتى المداوي بالدوى مايسره
وأنته وأنا والشوق والالتياعي= وصدق النوايا والغضب والمسره
أبطال عشنا في حيات النزاعي= وكلن عرف يا غايتي وش مقره
لو بعت حبك با لذهب مايباعي= اغلا من كنوز الذهب بالف مره
نزعت قلبي يا لفريد إنتزاعي= وأصبحت ما ملك منه مثقال ذره
يا نور عيني لا تضيع المساعي= بيني وبينك لو عليك أتشره
أنا عشقت برغبتي واقتناعي= تشهد على حبي نجوم المجره
لاتستمع في جاهلٍ ما يراعي= وسلم الهوى ما ذاق برده وحره
ما للزعل بيني وبينك دواعي= حتى ولو إني عليك أتشره

وسلمتكم جميع
عبد الله القثامي
[/poet]

شاعري واستاذي / عبد الله القثامي ..


الله يبيّض وجهك على هذه الجميلة الفاتنة ..


وإنه يسلّم بنات أفكارك يابو عابد ..




سجل تجديد الأعجاب والمتابعة المستمرة ..


ولك أرق التحايا ...

سنين العمر مقفيةٍ مطاياها
بعضها راح في عقل وبعضها غي!

ماغير ابحث عن الحكمة ولا القاها
والاول ماترك للي خلافه شيء✋
.....

....

...

..

.