اخواني واخواتي
في مرقابنا العزيز
وصلتني امس قصيده
مرسله من الشاعر الحسام
زميل وعزيز على نفسي
كان مطلعها هذه الابيات

[poet font="Simplified Arabic,4,blue,bold,normal" bkcolor="transparent" bkimage="" border="double,4,gray" type=2 line=200% align=center use=ex length=0 char="" num="0,black" filter=""]
راكب اللي لا عطى الخط يمرح = فوقه غلام نا شطٍ للمساريح
ملفاك ابو منذر يهلي ويفرح = ما صك بيبانه وشال المفاتيح
مكرم ضيوف الليل ما يعرف الشح = وحلال عقدات القلوب المجاريح
[/poet]ورديت عليه بهذه القصيده
المتواضعه اتمنى ان تحوز ولو على بعض اعجابكم
[poet font="Simplified Arabic,5,blue,bold,normal" bkcolor="transparent" bkimage="http://216.40.197.199/textures/natfl/natfl067.gif" border="outset,4,gray" type=2 line=200% align=center use=ex length=0 char="" num="0,black" filter=""]
من فوق يوكن كنه الحر الافجح = توي شريته كــاش من وارد جميح
عليه قرم (ن) للمواجيب يصدح=طحطوح واصله من سلالة طحاطيح
يركب عـليه وللمهمات ينطـح= ضاري على مغــباشهاوالـمراويح
يحمل رسالة رد للسـيف الاملح = الصاحب. اللي عادته هبة الريــح
الصاحب اللي من همومه ترنح =اضناه حمل الشوق. ويقـوم ويـطيح
قله ترى الاحوال لا زم تصـلّح= ابشر بعــزك يابعـيد. المشـاويح
ان كان قلبك من حبيبك تجـرّح= نار الهوى في داخـــلي جالها فيح
من فيحها قلت اح ثم اح ثم اح= لكن من قول اح مالي مصـــــاليح
ياحسام قلبي ذاب والصوت منبح= وبيبان قلبي من سبــبها تشـاليح
في غيرها مالي مع الناس مطمح= و في حبها صرحت تصريح تصريح
في غيرها مالي تـجاره ومربح= ام الخدود اللي. سـوات المـصابيح
مع زينها اللي يسحر العقل فاضح= ريحة ثغرها ريح ما يشبهه ريـح
الحب ماهو لعبة الــسح والدّح= ياكثر ناس ٍ في طــريقه مذابيح
والله مالومك ماذكرته ترى صح= وابشر بفزعه مثل فزعة شـلويح
عن ماقفي يالذيب لا يمكن اجنح = وعن فزعتي يالقرم ما لي مجانيح
انكانها بالمال نجـمع ونطرح= حتى تحقق لك جميع المـــطاميح
ون كانها بالجاه يالوجه الافلح = في جاهها لا جيب كل المــفاليح
ونكانها بالهوش لي زند يـقدح = اجي بها لك جعل دربك تساميح
واختم كلامي يالسنافي واصرّح= اني معك مثل المزون الـمراويح


[/poet]