[ALIGN=CENTER]السلام عليكم هذه قصيده لدكتور الشعر المرحوم
بندر بن سرور العتيبي[/ALIGN]

[poet font="Simplified Arabic,6,indigo,normal,normal" bkcolor="white" bkimage="" border="none,4,gray" type=2 line=200% align=center use=ex length=0 char="" num="0,black" filter=" glow(color=deeppink,strength=8)"]
الله من عين(ن)طرقها صواديف=عميت ويبسن العروق الصخافي
شفت الوزا بالعين من عرض ماشيف=شفته وغيري ماانفطن له وشافي
وقت(ن)تغير فيه حتى العواصيف=جا في عواصيف الرياح اختلافي
شره قناطير(ن)وخيره مقاطيف=يفطن له اللي يرضع الديد غافي
كم واحد(ن) جاله زمانه على الكيف=واغترته نفسه يبا الجود وافي
يطلع مطاليع العيا بالسواليف=عند العذارا عد روحه سنافي
يفرح بهرج(ن) فالقفا ويكره الضيف=قتات والقتات بالنار هافي
يعلق قصيره علقة النار بالليف=عي(ن) ولد عي(ن) زنوده ضعافي
ان رخصت الحذوه توقا عن الحيف=وان غليت الحذوه مشا اللاش حافي
يرقد ويلحق والدينه تخاليف=دايم ومرقد ميت النار دافي
هو مادرى ان الجود يبغا تكاليف=سهر الليالي مقبلات ومقافي
والصبر بنحور السنين الشواحيف=اللي قساها مثل حد الرهافي
مايقدروا للجود سود الاطاريف=مشاركة بيض النسا باللحافي
يقدر عليه اللي حكم نجد بالسيف=واودع قبايل مع قبايل ولافي
عبد العزيز اللي يبث المصاريف=يجدع قناطير الذهب بالفيافي
يمشي على دربه جموع(ن) مزاريف=نو(ن) تنثر ماه والجو صافي
تشدي لواقيط الزبيدي بعد ريف=مما كسا البيدا تفيد الضعافي
[/poet]