هذه قصيده كتبها احد الخليجين بعد قدومه من المغرب وازعلت بنات الخليج خلونا نشوف وش قال فيها :



[poet font="Simplified Arabic,4,white,normal,normal" bkcolor="transparent" bkimage="backgrounds/70.gif" border="none,4,gray" type=2 line=200% align=center use=ex length=0 char="" num="0,black" filter=""]
ياللي تنشد عن علوم الـذي طـاف = كل البحـور وكـل دولـه وديـره
خذ من علومي علم اوصافه اوصاف = جزلٍ سميـنٍ يشتعـل لـه سعيـره
الزيـن عقـب المغربيـات ينعـاف = غيد لهن بالزيـن ذكـره و سيـره
فيهن حلا طاغي وليـن و تعطـاف = وفيهن حنان يشعـل القلـب غيـره
حلوات وصف وفاهمات بالاعـراف = زينات منطـق صافيـات السريـره
بنات قوم طيبهـم غصـب ينشـاف = اولاد مغـرب بالليـال العسـيـره
ياللي تنشد عن علومي بالانصـاف = هرجي يكفي صاملـه عـن كثيـره
الزين في لميا وتغريـد و الطـاف = ماهوب في حصه وكشـرة منيـره



**********************************************

وهذا رد أحد الشعار عليه


قال الذي في بدع الامثال صـراف = جزل يفـرق بيـن درهـم وليـره
ياللي مدحت المغربيـات باجحـاف = الله يجيرك مـن عمـاة البصيـره
لو تعجبك لميا وتغريـد والطـاف = مايصلحن لهـل الوجيـه السفيـره
مفصخات و لبسهم حـول الارداف = وبليس اغواهـم بكشـف الستيـره
متعـودات كلهـم زيـف وخفـاف = علـى التغنـج والتعطـف وغيـره
كل يوم مع صاحب و لافيهم اعفاف = خويهـم اللـي فلـوسـه كثـيـره
ترى البضايع عده اشكال و اصناف = وكل ينـوخ وسـط سوقـه بعيـره
عز الله ان الطيب في بنت الاشراف = اللي على الحشمه تربـت صغيـره
ولا بيـنٍ منهـا ياكـود الاطـراف = مثل القماشـه فالبحـور الغزيـره
ياللي تدور بالجواهر و الاصـداف = الزين كلـه فـي بنـات الجزيـره



**********************************************
وهذا رد طلال الرشيد رحمه الله


يابن الحلال ان طعتني خل الاسراف = واترك جمال الغيد لاهـل البصيـره
الزين موبس في الملامح والاوصاف = الزين روح وعفـه وطيـب سيـره
مانيب من يهـوى سريـا وانصـاف = انـا هـواي وبـس بنـت الجزيـره
بنت الخليج اللي تمـاري بالاعـراف = وحنـا نمـاري باسمهـا كـل ديـره
مالي غرام بقـول وخـا وبالـزاف = اذبحني عنـد الطرحـه المستديـره
احب قولة ياهـلا وعـل ماخـلاف = من بنت ثوبي بنت الارض النضيـره
اللي تحلاها الظبي حلـو الاطـراف = جمـال فـي عفـه ورقـه وغيـره
واللي بها سحر مهو سحـر عـراف = ياعـل عيـن ماتـراهـا ضـريـره
عطف وحنان وذوق في لين الاعطاف = والى كشفت لثامهـا شفـت أميـره
صعب على اللي بالردي شاف ماعاف = وحلوه على اللي سنـه الله ضميـره
شمس الى من اشرقت والدجا طـاف = غابت نجومك غصب لو هي كثيـره
السيف مايزهى سوى كـف سيـاف = والخيـل دون حصانهـا مستخيـره
بس أنت دورلك على قـدك لحـاف = وان طعتنـي دور بدلنـا عشـيـره


منقوووووووول
[/poet]