[poet font="Simplified Arabic,5,white,normal,normal" bkcolor="transparent" bkimage="backgrounds/69.gif" border="groove,4,gray" type=2 line=200% align=center use=ex length=0 char="" num="0,black" filter=""]
اسج عنها وكني جالسٍ معها= ماكني الآ مع الهوجاس احاكيها

حتى وانا في منامي كني اسمعها=وافز من مرقدي ياعبيد اناديها

اقشر نهارٍ عليه يوم اودعها=يانعنبوا ساعة الفرقى وطاريها

يخون عيني ولو صديت مدمعها=يطري لي اقعد عن الرحله واخليها

عينٍ على شوفها ربي مطبعها=عن باقي البيض مدري ويش معميها

سود الهواجيس تدفعني وانا ادفعها=واسوق رجلٍ علاها الشوق حاديها

بنت ابدويٍ ا بما يملك مدلعها=مع زينها المال والسلطان مطغيها

لو يحتمي نص خلق الله بمسفعها=باءذن الله وقدرته ماخاب ناخيها

ترهج قبايل اليا طقت باءصابعها=لو تزعل اتزلزل الدنيا مواطيها

افعال اهلها على الفزعه اتشجعها=من فعلهم كل اهل جده اتراعيها

نفسي من العام كن الياس يسبعها=لكن عسى ربي ايزين تواليها
[/poet]