الأخوه والأخوات الأعزاء في المرقاب الخلاب

اهدي لكم جميعا هذه القصيره راجيا أن تعجبكم


ذاب العسل والشجر يفرح بنطافـه
===============لو ما ينطف على الاغصان خلعهـا

وما دام لازم يذوق الشهـد غرافـه
===============النطفه اللي تنوش الغصن يبلعهـا

في ظل بترا متينة سـاق غريافـه
===============عن ما ورى شوكها ودك تقطعهـا

النفس خضرا وبنت الريـح خوافـه
================ان ما هدا روعهـا ربـك يسنعهـا

هزيت غصن الرجا ينـزل بخطافـه
==============يمسح على وجهها ويشيل برقعهـا

من لا ضمن شف باله يطلب اضعافه
================طلبت منهـا دقيقـه ول مسرعهـا

الوجه شفته وغير الوجه من شافه
==============جفني غشاه الشلل في حد مفرعهـا

فتحت عيني تشيل الشال باطرافـه
===============وارمشت عنها ثواني قبل اودعهـا

ما شفت منها سوى لونين شفافـه
=================النور يطلع بهـا والشـال يمنعهـا

من فيلم عقلي ونور الوجه كشافـه
=================الصوره اللي طبعها مـن يطلعهـا


===================وســـلامـــتــــكــــم========= ========