[ALIGN=CENTER] السلام عليكم ورحمة الله وبركاته






اخواني شعراء وشاعرات وزوار ( المرقاب )



اسعد الله اوقاتكم بكل خير



هذه القصيده المتواضعه من آخر ماكتبت


اتمنى ان تنال بعض الرضاء !!


وان تسمحوا لها بالمرور






[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
سافر يصيف ناعم الطرف والعود = وضاع الحياء واصبح له ألفين مله !!

كم انتظرته يرجع اليوم ويعود = وليته قعد عقب السفر في محله

شفت اختلاف الطبع !! والوضع في زود = لاهو وليفي ولاني ابصاحب ٍ له

راحت عيونه زرق واستبدل السود = والشعر الاصفر جادل ٍ جايز ٍ له

حتى الحواجب صارت ابفن وحدود !! = تشبّهت بأهل الصور فالمجله

ظنيت يامسافر تجينا لك بفود = وصارت على ماقيل فالنحر عله

فتحت باب ٍ كان يازين مسدود = باب المهانه فاتحه والمذله

ماعاد يحتاج لبراهين وشهود = واللي عقد حبل الموده يحله
.

.

.

.

.

.

.

.

.

عشقي هنوف العز والطيب والجود = مستورة ٍ ماتعرف العشق كله

لها مع العفه مواثيق وعهود = صعب ٍ تحصل لك على البنت زله

لامالحقها من ورى الباب منقود = درب المهونه رجلها ماتدله

ياوين ابلقاها وللعلم مقصود = هذا الدليل اليا بغيت الادله
[/poet]


وسلامتكم



تلميذكم !!


ذعار بن محمد الدعجاني[/ALIGN]

ارفع يدي من ادارة اي موقع على الشبكة العنكبوتيه ..!
وانا متواجد الان فقط في منتديات المرقاب الادبية ...

the3ar-m@hotmail.com