يسعدني ويشرفني الانضمام الى هذا المنتدى الشامخ بشموخ اعضائه شاكرا الدعوه وملبيها للاخ النقي / ابو فيصل .. ومهديا إليـكم اول قصيـــده.. آملا ان تحوز على رضاكم .. ودمتم..

[poet font="Simplified Arabic,4,white,normal,normal" bkcolor="transparent" bkimage="backgrounds/10.gif" border="none,4,gray" type=2 line=200% align=center use=ex length=0 char="" num="0,black" filter=""]

طالعـتـني مرتـيـن وحـيـرتـنـي بـالـنـظـر =مابعدت عني ورحت ولادنت يمي وجيت
يوم ذارت واستدارت واستخارت في حـذر=قلـت ابحكي كـلمتـين ورحـت منها ماحكـيت
ماقـدرت اقول كـلمة ود واشـواقي خـضـر=بس بعيوني حكيت .. وبابتـسامتها اكـتفـيت
عـندل ٍ .. سـوّت سـواياً مايـسـويـها بـشـر=هـزت اركان المـكان .. وتوهـتني واهـتـديت
عـلمتـني بالكـتابـه والقـرايـه .. بالـشـعـر=اثـرني قبل اهـتـديـهـا لا كـتـبـت ولا قـريـت
الف باء وهـج القصايد تشعلـه مثل الجـمـر=اتهـجّـا في محاسـنها قـصيـدي بيـت.. بيـت
دربها درب السحاب وشـوفـها مثل المـطـر=جيتها في حالي ادري ..واسرقتني مادريت
واثقة خطوه .. وتمشي في غرور ٍ معـتـبر=والله اني والله اني.. في هواها مسـتـمـيت
كنها قايـد جيـوش المعـركه.. يوم انـتـصر=وانتشى.. كله غرور.. ونال قدر وذاع صيت
عقـلـها سـن اربعين.. وسنها سبعة عـشر=جـيـت ابذكر عقـبها كـل المحبـين .. ونسيت
اعترف من كل قلبي صدق,وابصم بالعشر=انها اجمل من لقاني.. وانها احـلى مالقـيـت

[/poet]
اخوكم

محمدالجلبان