منتديات المرقاب الأدبية - عرض مشاركة واحدة

#1 10-09-2004, 11:37 AM

السلام عليكم يالغالين اتمنى ان تكونوا في احسن الاحوال كلكم للمشاركه وللتواجد ولاني مبطي عنكم والمعذره بس

:

[ALIGN=CENTER]

اهلاً هـــلابك ياجـــزال الطــواريق
ياورث خـــال وعم منتي ســـرايق

بيني وبينك يالقــوافي مــــواثيق
وانتي ذرا الخـــاطر لاا منه تضايق

همٍ غـــزى الخفــاق جمع وتفاريق
واصبح مــزاج الراس مـــاهو برايق

ياحشــرجة صدري ونبض المعاليق
من عقـــرب الساعه تخاف الدقايق

ودي بعــــلم يجف من دونه الــريق
واخاف لـــ ازعِل محتمين الوسايق

الله يحــــداللي حداني على الضيق
ويا سن لا تضحك ولاهو بــ لااايق

الضحــــك للي كل دربه تــــوافيق
ماهو لمـــن دربه ســـراب وعوايق

مالــــي ومالك يالـدروب المغـاليق
لو ان شفــــي في زهور الحـدايق

مايحــــرجك غير الوجيه المطـاليق
اهل الوفا والطيب واهل الحقــايق

واهل الـزراوي والرجال المطافيق
ياليتهـا علـــــى خفـــوقي توايق

والعيشه اللــي كل ابوها تــلافيق
مثل الذي يرجــــي براد الحــرايق

واليـوم انا مبلي بعشق الغـــرانيق
ويشوقني ياهل الغـرام الف شايق

ذقت الذي فالحب من قبل مــا ذيق
وعندي على قولي شهود ووثايق

متى على الله راقد النوم بيفيق ؟
ممكن قنوط ويأس !! ماهو بفــايق

استغفــــر الله رب كل المخـــاليق
امـــــوزع الارزاق بيـن الخـــــلايق [/ALIGN]