يا غايتي ياسلوتي يافرحة القلب الحزين
************ياراحتي يامنوتي يـ حلى شعور الهايمه

جيتك أدور فرحتي واثر الفرح غايب سنيين
************وأنته طوال الوقت عندي مير عيني نايمه

حتـى صحت عيني وانا من صحوها وآقول وين؟
************قالت:تعالي وابشريبه يالعيون الصايمه

تكحلى وأروي عطش موقك وشوفي من تبين
************شوفي حبيبك وابشري صارت حظوظك قايمه

لو قلت يـ عيوني كفاك من التعب والله يعين
************كافي ترى والله تعبت وعاد نفسي شايمه

يكفي تعب..يكفي شقا..يكفيك ياعيني حنين
************تعبت ياعيني وانا اشقى بالظروف الظايمه

تعبت اجاوب حرقت(ن) في ظامري هم وانين
************تعبت اناظر بالسما بـِـعد الطيور الحايمه

قالت عيوني:اسمعي يا (نوض) عادك تفهمين
************شوفي حبيبك قد وصل .. ماني لمثلك لايمه

قولي هلا بعد الغياب وعانقي بالعين عين
************اللــه يا طعم اللقاء من بعد غيبه دايمه

كيف أنت .. يابعد الغلا عسا زمانك مايشين
************ابطيت عني في غيابك والمشاعر عايمه

كن المشاعر بحر..وأمواج البحر شوق وأنين
************صنته ولاني مثل غيري بالمشاعر سايمه

حفظت حبك ياحبيبي حـِـفظ كن الحب دين
************يامرحبا يأول طريق وياشعور...الهايمه

اختكم

نوووض