قصيدة في الشيخ/مسلط ابو ثنين السبيعي

[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياراكب اللي شوفته تنعش انعاش = جمس يقرب نايدات المطاريش
شارينه اهل امال كاش على كاش=ومن فوقها يدفع رسوم وبخاشيش
ماهوب يقطع فيه بندق ورشاش = لا قصّرت عن مشتراه التحاويش
توه مورد ماانخزن داخل اقراش = ولا يكده من يبي لقمة العيش
منوة مطاليق تنووا بمطراش = عقب العصر والا بوقت المغابيش
نصّوه شيخ في المواقيف شواش = ابوثنين مزبن الخيل والجيش
شيخ على سلم الوفا والشرف عاش = نقش بفعله تاج الامجاد تنقيش
على المعادي كنه النمر لاهاش = وعلى الخوي مثل النصوب المراهيش
مقدم رجال تشبه البحر لاطاش = سبيع قوم تنطح الطيش بالطيش
اتنوش ماتبغي ولاهي بتناش = فيها كرامة طي مع سطوة قريش
ياعد ياللي بازرق الجم جهاش = تروي الكبود الضاميات المعاطيش
تارد عليك اليا غدت هيم واعطاش = وتصدر وهي من عذب جمك مناعيش
جيتك وانا فكري من الهم منداش = ومن زود ماعاناه جا فيه تشويش
وقلبي تنهشه الطواري تنهاش = نهشة مخاليب اشقر الريش للريش
وانا ادري ان لك وقفة تبرد الجاش= وتركد بها نحل العضام المراعيش
محزم ضفر يوم الردي محزم اقفاش = في سكة الامجاد ماسرت بشويش
وترى الهدف ياراعي الجانب الباش = ياطير شلوى يابعيد المناويش
ابعد علي من القريات عن جاش = واقرب عليك من الضفر للمداغيش
يفداك غمر لا ذكر قيله ماش = عند اللزوم مهمش الدور تهميش
وختامها من قلب ماهوب غشاش = تسلم وتبقى ياكحيلان وتعيش


[/poet]