المشاركة الأصلية كتبت بواسطة
كاتب الرسالة الأصلية رحيّم الغنّامي
السلام عليكم ..
مشاركه متواضعه لعلها تحوز على الرضى ..
على أغنية (ياجارحني) تطرب أسماعك
ـــــــــــــــــــــــــــــــــــــــ وأنت الجوارح تغنـّي لك (ياجارحني)
أخذتني مع لحنك ودقــّة إيقاعك
ــــــــــــــــــــــــــــــــــــ لين اختفى معك صوت ايقاعي ولحني
تفنــّن وغنّ لي سمّعني إبداعك
ـــــــــــــــــــــــــــــــــــــ وش غير زينٍ و صوتٍ فيك ذابحني
إليا سمعته عبر موجات مذياعك
ــــــــــــــــــــــــــــــــــــ تقول كنـّه من المقعد يزحزحني
على كثر ما يريّحني من أوجاعك
ــــــــــــــــــــــــــــــــــــــ يبدّد جروح روحي ما يريّحني!
حتى ليا هب من مشرقك ذعذاعك
ــــــــــــــــــــــــــــــــــــــ نوبٍ يبرّد عليّ و نوب يلفحني!
طوبعتني لين صرت أمشي على أطباعك
ـــــــــــــــــــــــــــــــــــــ الله يسامحك وأنا الله يسامحني
معك قنعت وعرفت اقدر على إقناعك
ــــــــــــــــــــــــــــــــــــــ من عقب ما الهم .. مسـّاني وصبّحني
وأصبحت ما عاد تقدر تحكم اوضاعك
ــــــــــــــــــــــــــــــــــــ وعجزت بـ سلاح هجرانك تكافحني
ورجعت وارجعت قلبي عقب مرجاعك
ــــــــــــــــــــــــــــــــــــــ لين اخضر (العشق) غطـّى ضلعي المحني
يا صاحبي مدّني من مدّك و صاعك
ــــــــــــــــــــــــــــــــــــــ مانيب محتاج غير الفرصه .. (إمنحني)
انا على أمرك ورهن إشارة إصباعك
ــــــــــــــــــــــــــــــــــــــ وأزعل لزعْلك .. وما يفرحك يفرحني
إتركني أعيش لحظه وسط مرباعك
ـــــــــــــــــــــــــــــــــــــــ حرمانك أثــّر على قلبي و شرشحني
الروح دلــّتك و الأشواق مقداعك
ــــــــــــــــــــــــــــــــــــــ قدّر بهارك على نارك وفوّحني
لكن دخيل الرموش و نظرة أوساعك
ـــــــــــــــــــــــــــــــــــــــ لا جيتك بـ جد لا تقعد تمازحني
قدّام لا اغرق فـ بحرك عطني ذراعك
ــــــــــــــــــــــــــــــــــــــ أنقذني من الغرق واصفح وصافحني
ليه أنحرم من شرف لقياك ووداعك
ـــــــــــــــــــــــــــــــــــــــ ما بين لقياك ووداعك تمرجحني!
لو إن ما لاعني يا صاحبي لاعك
ــــــــــــــــــــــــــــــــــــــ حرام لــ تجر من قلبك (ياجارحني)
وسلمتواا
رحيم الغنامي..
باختصاااااااااار ...
انت ........ مبدع .. ولله درك ..
صح الله لسانك لين ترضي...
والله انك مبدع الى درجة الجنوووووون
مار لا تذخر علينا من شعرك لاعدمتك
صح لسانك ولاهنت