القلب يدمع لو ان العين ما تدمع

******* ** والنفس تجزع وكثر الغبن يوجعها

والصبر على الهوان المر ماينفع

*********** والصدر به زفرةٍ ما عـاد ياسعها

والعين شافت وياليت الحواس اربع

*********** عين الغبينه نظــرها مايمتـــــعها

ما ظني انا نشوف ولا بعد نسمع

***********ارضٍ تعب صوتها والذل لوعـــها

فيها الطغاة اليهوداللي لقوا مرتع

************قامت توسع وتحلم في مطامعها

صبوا لها الموت بالرشاش والمدفع

********* لين اطعنوا قلبها وادموا شوارعها

قامت تضيق وتضيق وحلمهااوسع

************مدري متى من شتات العمر نجمعها

ياامة الضاد والغايب متى يرجع

***************سؤال في فم فلسطين ومدامعها

ليا متى نجتمع جمله ولا نجمع

*********** ونقول حنا على بيض الورق معها

وشلون هالصمت واطراف الجسدتقطع

***************هذي فلسطين تشكي من مواجعها

نشوفها حلم ما مثله ولا اروع

************** تمد يدها ونعجز لمس اصابعها

نقول متى العدو.. متى العدو يطلع

*************** ونقول متى نصلي في جوامعها

والقول هالوقت لا يروي ولا يشبع

*************خلاص سدت عن اصواته مسامعها

نعم فلسطين ما لا حدٍ بها مطمع

************** لازم تعرف العزيزه وين موقعها