|
النصيحه / الفضيحه
الأحبه هنا ألف تحية حب وبعد
عندما كنت في مكان عام يضم مجموعه كبيره من الناس وأخذ أحد الأخوه يكيل لي النصح أمام الملأ بدعوى أن الشعر لا يليق بي وخصوصاً الغزل وأخذ الجميع ينظرون إلي كلٍ بحسب مافي قلبه لم أعتبرها نصيحه بقدر ما هي فيضحه كما يقال وفي نظري اني لم أرتكب جرما بكتابة الشعر ( الجرم في نظري أن تكتب شعر رديء)
ليس هناك سوى .....
[poet font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يامحمد صاحبي شكراً على تلك النصيحه = يا محمد وأنت تنصحني .. أحس إني : يهودي!!
يامحمد فرق مابين النصحيه والفضيحه = يامحمد حاول إنك ما تعدّيني حدودي
أنت لو نيّتك يامحمد معي فعلاً صحيحه = ما جمعت عيون خلق الله على صدري ورودي
وأنت تدري بالبشر ماهم على نفس الشريحه = لو تصير السود بيض ، ولو تصير البيض سودي!!
والشعر ماهوب ذنبٍ ما لقى عفوٍ يبيحه = الشعر مني ومن دمي ومن سالف جدودي
الشعر لو يغني الشاعر مليحه عن قبيحه = ما رسم بيته على شكل المحاجر والقدودي
أنت ما تدري عن الشاعر وعن عين المليحه = نظرةٍ تورد حياض الموت وتبيح السدودي
نفحةٍ لا مـرّت الهاجس بطيب ايفوح ريحه = كنها لفتة رضا من ( حاكم الشعب السعودي )
كل شاعر لو لقى له درب واحد يستريحه = ما رمى نفسه على درب المتاهه والصدودي
شاعرٍ ملي البصر والسمع حيٍ في ضريحه = وشاعرٍ يمشي مع الأحياء وكنه باللحودي
كثر ما جاد الغمام ، وكثر ما جادت قريحه = ياهوى بالي على أيام الغرام وياوجودي
كل ما يطري على بالي شذا ورده وشيحه = يستحير الدمع في عيني وأصده عن خدودي
يا محمد وأنت ماني منك محتاج النصيحه = أنت ما انت محمد الهادي وأنا ماني يهودي!!
أخوكم / نادر
[/poet]
حزني عليك أكبر من دموع عيني = هذا السبب لا قلت لي ليش ما أبكيك؟!
آخر تعديل نادر العماني يوم
16-05-2002 في 07:02 PM.
|