السلام عليكم ..




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
أستوت من فيض بالي وأستويت=أبحث عن المبتدا وأبدا بها


لين هاضت من ضميري وأبتديت=أجدع المفتاح وأكسر بابها


المرامي بالتسلسل بيت .. بيت=رمية ٍ ما يختلف مضرابها


كان ما جات القصيده ( كومبليت)=ما يصحّ لسان من غنّى بها


يا هل المعروف مدري وش جنيت=يوم أسوق ركابها بركابها


للسعاده لا كتبت ولا قريت=والهموم أكتب بها وأقرا بها !


الحوداث غضت منها وأمتليت=والليالي داير ٍ دولابها


والحصيله صار كيت وصار كيت=ولـّعت والنار من شبابها


يا الله أنك لا تروع أرض الكويت=ولا تزعزعها من اللي صابها


ديرة ٍ حافظ غلاها ما حييت=سجـّلوني واحد من أحبابها


هايم ٍ فيها ولا عنها سليت=أسجد لربيّ وأحب ترابها


أخس وأعقب يا معاديها هبيت=هبوة الشيطان وأنت أولى بها


يا مهنّا وش تمنّا لا غزيت=الخوارج لبـّسوك ثيابها


البلاوي فوق راسك مادريت=سمّ بالرحمن لا تبلابها


للخيانه يوم كبّرت أعتزيت=ورحت تنفض لحيتك بأشنابها


طايش ٍ والله يطشـّك وش بغيت=خنجر الخاين لحست نصابها


جنّة الأبرار من حظ البخيت=والله أعلم ما تشمّ أطيابها


من يشذ عن الجماعه قال جيت=وفتوته من مخ راسه جابها


شلّة ٍ وقلوبها من كنكريت=لاحق ٍ فـ الأبرياء مشهابها


تزحف الحيّه بسلك الديناميت=وتنفجر باللي ينوشه نابها


الفكر ذبّاح والمذهب مميت=يخدم إرهاب اليهود إرهابها


والجهاد اللي على سمعه وصيت=له فتاوي حاسبين حسابها


ألحقوهم كلّ ما راحوا شتيت=تهتدي والسيف فوق أرقابها [/poem]



وسلمتوا ،،

>> هات و دوك ! <<