منتديات المرقاب الأدبية - عرض مشاركة واحدة

#1 21-01-2005, 12:05 AM

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
المبتدى والخبر .. ماهوب مبلشني=اميّل عقال راسي وارخي بناقي

لو ان تشويشها .. ماهو يشوشني=حرام .. لاابلش بها من في ثري ساقي

وافتل شنب واتحدى .. من يناقشني=واللي تشيله جماجمهم على ساقي

كلامهم لو تعارض .. مايهمشني=هرج القفا في زمان العولمه .. راقي

ماهمني هرجة اللي .. يمدح ويشني=في واجب الضيف .. راحت خيرة نياقي

كان الكرم عيب ! .. كل العيب حايشني=ابصم عشر واتحدى هقوة الهاقي

تعال يا اغلى من الياقوت .. وانعشني=خابرك في موعدك للروح .. سباقي

مدري ذبحني الوله ؟ .. وإلا انت واحشني=والا دعاني غلاك وجيت مشتاقي ؟ !!

إي والله ان الزمان الصعب .. دايشني=ماعاد ميز صنوف الهم .. خفاقي

لو كان تدري وش اللي منك .. نايشني=ماكان تزعل علّي .. وتسكن اعماقي

اشرب وشرّب ترى حبك .. معطشني=لاخذت شفك من الما .. عطني الباقي

وان كنت لعب بيدينك روح .. كوشني=مسموح تلعب بعمري .. كيف باشواقي ؟ !!

ياعايشٍ في حياتك .. وانت عايشني=لا اقوى فراقك ولاانت بقاوي فراقي

تحويشة العمر .. وانت اللي محوشني=حبك قناعه وكنزي .. طيبة اخلاقي

الشعر لو مايحبك .. كان طنشني=لاعاد تحرق فوادي .. واحرق اروراقي [/poem]