الشاعر سعود الدهيمي
واهني اللـي ذرفهـا وخلـق الله هجـوع
مايشوفـه غيـر ربـه لعـلّّـه يرحـمـه
ودمعةٍ تذرف على موت ذربيـن الطبـوع
يرخص الرجّـال دمعـه لموتـة محزمـه
لاكواه العلم الأقشر علـى حـد الضلـوع
هل دمعه فـوق خـده ووجهـه غمغمـه
خص كان الميّت ابـوه ولاّ اخـواً بتـوع
ولاّ ابـن عـمٍ الياحـس ضيقـه يزهمـه
دمعته تشتـب فالعيـن مـن بـد الدمـوع
دمعـةٍ ماهيـب دمعـة غـرام وسلهمـه
عزتي للي ذرفهـا مـن القلـب الجـزوع
ماذرفهـا غيـر عينـه عليهـا مظرمـه
ودمعة تذرف من الغبـن قـدّام الجمـوع
من ضعيفٍ حـزة الهـوش كـلٍ يدحمـه
يوم خصمه جوه ربعه على العزوه فـزوع
التفـت مقهـور ماجـاه حيـاً يدعـمـه
وقهروه صعاب الأريا وطاوع غصب طوع
من فحوس الغبن ماعـاد يرفـع برطمـه
ياسلاااااااااام عليك
عزالله انك صدقت ....
تقبل تحياااااااااتي ولاهنت
|