[poem=font="Simplified Arabic,5,white,bold,normal" bkcolor="white" bkimage="backgrounds/21.gif" border="inset,2,white" type=0 line=0 align=center use=ex num="0,black"]
قال السبيعي:
ذيب العمودي حاسبينه من بعيدين النظر=لو ماهقيته مالقيته..والمقاصد غاليه
ياذيب اكلك الذيب ولا انه تحداك البشر=بعت الوفا والا شريته..والمقاصد غاليه

قال الشمري:
مشكور والاعمال بالنيات والدنيا عبر=والله يعلم وش نويته..والمقاصد غاليه
الحظ يمرض ما يموت ولاتندم من صبر=ليلي على نوري سريته..والمقاصد غاليه

قال السبيعي::
الشكر لله مورث الارض البسيطه للبشر=والعلم بكتابٍ قريته..والمقاصد غاليه
لكن ساير عالمك والا تجهز للسفر=ماحصل لك مابغيته..والمقاصد غاليه

قال الشمري:
من كثر ما يشكرك غيري ماتبي مني شكر=بر الجراد اللي حويته..والمقاصد غاليه
لاصحابنا بشت وصقر واجنابنا تسكن صقر=نصايحك حيه وميته..والمقاصد غاليه

قال السبيعي:
الله خلقنا نصرة المظيوم ضد اهل الزجر=جدنا دواء داءٍ دويته..والمقاصد غاليه
العام باطرك البطر واليوم ذابحك الفقر=من لاملكته عطيته..والمقاصد غاليه

قال الشمري:
من قال انا نجم الظهر لايشحذ حزام الظهر=بنيت شئٍ ما بنيته..والمقاصد غاليه
تمتعوا حتى تموت الارض ويموت الشجر=والحبل عنكم ماطويته..والمقاصد غاليه

قال السبيعي:
اسباب من لاقاس قبل يغوص ما يجني الدرر=يقوالك واحد ما قويته..والمقاصد غاليه
ثواني ودقايق وساعات وايام وشهر=وسنين من عمرك ما قضيته..والمقاصد غاليه

قال الشمري:
حنا نظل اخوان بالمبدى والدم الحمر=وانا السبب هذا نسيته..والمقاصد غاليه
تغيير الايام ياتينا مثل لمح البصر=ما يقسم المولي رضيته..والمقاصد غاليه

وشكرا..[/poem]