الهجـوس اللـي تهيـم بـكـل وادي
والطـواري دونهـا مـدري وراهـا!
ذعذعت بـي مثـل ذعـذاع البـرادي
لين فاح العـود الازرق فـي هواهـا
من طموحي .. واعتمادي .. واجتهادي
ومنطلق .. مـن دوّر الحاجـه لقاهـا
ما اتمشّـى بيـن مدحـي وانتقـادي
وانْشب السان القريحـه فـي جماهـا
شاعرٍ عادي ! لكـن مانيـب عـادي
اتحـدّى ظـروف وقتـي وآحـداهـا
وخطوةٍ ترقـى علـى روس المبـادي
مـا تزعـزع ليـن تاصـل منتهاهـا
وكان طاح الحظ .. ما طاح الشـدادي
الظـروف يجـف ماهـا فـي سماهـا
ما علي من نظـرة عيـون الجـرادي
لو تلفّـت .. مـا تشـوف الا قفاهـا!
كـم بعيـرٍ لا يـسـاق ولا يـقـادي
وان وطالـه حاجـةٍ يلعـن ثـواهـا
الاخ خالد الحصين انت تعرف ان شهادتي فيك مجروحه وانا من اشد المتابعين للشاعر خالد الحصين
انت شاعر غير عادي صحيح وكل قصيده للشاعر خالد الحصين مليون بالمليون انها قصيده جباره
ولها صدى ولايفي التعبير في اعطاء الشاعر خالد الحصين حقه ولاكن اقول صح لسانك تررليون
واكثر وتقبل وافر تحياتي واحترامي ...اخوك عبدالرحمن السناني
|