السلام عليكم ،


مشاركه متواضعه وتعبرّ عن محتواها ..




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يا مصدر الإلهام لا تقفل الباب=بيني وبينك حاجة ٍ تفتهمها

.

خذني على هونك وأنا أجيك منساب=وسقها لا تفصل ساقها عن قدمها

.

ما قد غزاك الشيب يا الهاجس الشاب=لكنّ سلـّمها معي وأستلمها

.

يفرّني دولاب .. وأفرّ دولاب=واللي تمرّه فرصته يغتنمها

.

تجمّعت في خاطري عدّة أسباب=وتقسّمت واللي قسمها .. قسمها

.

وكتبتها من فيض تقدير وإعجاب=قصيدة ٍ هبّ النسيم بنسمها

.

كفيّت يا المرقاب عن كلّ مرقاب=يا طيب هومات الرجال وهممها

.

واللّه ما كنّك غير كليّة آداب=تجمع من أصحاب المعالي قممها

.

لو فـ الشهاده جرح مزمن ولا طاب=الشمس بان وجودها من عدمها

.

يا صفوة الشعـّار مانيب كذاب=أردّ منطوق الحقيقه لفمها

.

حقيقة ٍ تشهد لها أجناب وأقراب=صفّت ضمايرها وصانت ذممها

.

من حقّنا مدام للحقّ طلاب=وأهل المكارم تفتخر في كرمها

.

ننشر عليك الوافيه ستر وحجاب=وتستاهل البيضاء مع أوّل سهمها

.

من غيرك أصدر بإسم شعّاره كتاب=جمع فرايدها بعقد ونظمها

.

يا منفرد بالسبق وشلون تنعاب=وأنت الوحيد اللي بحكمه حكمها

.

إليا شذبك من المساكين شذاب=جرادة ٍ درعا وترعا سلمها

.

تفداك وأهل الناقصه مالها حساب=اللي عطاك من التميّز حرمها

.

تعصبّت وإليا قضت حرب الأعصاب=نطوي صحيفتها ونرفع قلمها

.

الأوّله ( صوت الشعر ضدّ الإرهاب)=والثانيه .. بكره يرفرف علمها[/poem]



وسلمتوا ،،

>> هات و دوك ! <<