يوم ابتدت لعبت الدكتـور بعيونـي
وحضّر جهـازه واداوتـه مبريهـا
سألت ربي ذليـلٍ شاحـبٍ لونـي
يالله وداعتـك بعيونـي تعافيـهـا
اخاف من ( ليزره ) لايخترق نوني
والا خطا يرخي المشرط ويعميهـا
والا فضول الطبيب يبيح مكنونـي
يقعد يفتّش ويلقـى صـورةٍ فيهـا
صوره عزيزه مثبتهـا لمظنونـي
داخل عيوني عن الدنيـا مخبيهـا
للي الا حل ذكـره جنـت جنونـي
اومي بيمنـاي للجـوزا واناديهـا
خلٍ غيابه شقاي ومنبـع حزونـي
شرايده صورة لايمكـن اصخيهـا
اعنف يادكتور همي واعمق طعوني
أن كان وسوس لك الشيطان تخفيها
والا تعبّث بهـا وتخيّـب ظنونـي
والا على غفله الاسـرار تفشيهـا
ويدري بها عالمٍ منزالهـم دونـي
اضعوف الانفس قريباتٍ حراويهـا
سري وداعتك وانت اليوم ماموني
مهنتك معنى الامانه وانت راعيهـا
استر ماواجهت يادكتـور بعيونـي
تكسب جميله وانا مانـي بناسيهـا
الله عليك ياضاوي والله جزل
صح السااااانك
ولااااهنت
مغليك
تركي هاجد
|