[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ابك ايه مشتاق والثنتين مشتاقه = تبغاني اقولها ولا انت خابرها
اي والله لشوفتك بعد البطا فاقه = يازارع الشوق بعيوني ومسهرها
الغيبه اللي لها عامين منساقه = يانعنبو حيك انته كيف تقدرها
ياثورة الشعر وابداعات طراقه = ياعذب قصيده تجمل منك شاعرها
يانظرة اعجاب رمش العين وارماقه = ياغفايته يالعيون ويامحاجرها
ياضحكة الصبح حي الصبح وشراقه = الضحكه اللي عسا الله مايكدرها
سولف سوالفك لي عذبات ودقاقه = تنصت لها اذني من أولها لياخرها
انته اشفاقه وهرجك كله اشفاقه = هرجك ليا طالت الطرقه يقصرها
سرب الحمام بحديثك وانت بسياقه = سلهم بسلهامة عيونك وخدرها
علمني ان الحلى ترتيب وذواقه = والسكريه حلاوتها بسكرها
وان اجمل الورد وردٍ ضمته باقه = واطفال الاحلام علمني بباكرها
تفلسف عن اكتشاف الضوء والطاقه = وعن ايتكيت الحضاره يامعاصرها
وعن شكسبير وعن افلاطون ورفاقه = وان ما فهمت الجمل علي كررها
اعلمك عن صهيل الخيل والناقه = والعزوه اللي فعايلها تفاخرها
اليا تعزويت ربعي تحتمي الساقه = واليا اعتزت في انومسها وابشرها
بدوٍ على الطيب بتاعه وسباقه = عاشت على عز ماضيها وحاضرها
وعن شاعرٍ لاعشق يعشق من اعماقه = انا اشهد ان القصايد فيك صخرها
اما شعوري نحاك وسلة اشواقه = ابا اختصرها وفي قوسين سطرها
ممتلكٍ انسان من حسه لخفاقه = ما والله اغلى من الروح ومشاعرها[/poem]

khald522@hotmail.com
جديدي القادم

ياصدر شعرك جمر وانفاسك بخور
يفوح عطر انفاسك ان شب الجمر

ليا سكبنا الشعر والبال محشور
انسوي اخلاصة ملاذات الشعر

كيفن نصبه صب لاطوال الشبور
اللي يعشقون الفرايد والدرر