ياصديقي خل الاسرار في قلب الملول
لاتزيد الطين بلة .. على شان الغلا
آه يا كثر المشاكل ويا قل الحلول
والتعب بانت مواريه والصدر امتلا
عاكست واقول شدة وبإذن الله تزول
والبلاوي كوم يالله تعين المبتلا
كاتم ٍ لي حاجة ٍ لو اطلّعها تهول
غيبها في علم رب السموات العلا
لاتحاول تاصل لشي ياصعب الوصول
والله لتبطي وانا ابطي وسري ما انجلا
والقلوب الها صناديق تحميها العقول
والعقول انواع واحجام في روس الملا
ويختلف نوع الصناديق وانواع القفول
واسهل الانواع يفتح بكلمة يا هلا
والاوادم في علاقتها رفض وقبول
شرح مفهوم البراءة ومفهوم الولا
والامانة والثقة هي مفاتيح الدخول
للسراير في قلوب الاوادم من إلى
شي موجز والتفاصيل معناها يطول
والكلام ان زاد عن حاجته ماله حلا
فلسفة شاعر ليا قال يدري وش يقول
موهبة من عند رب البشر جل وعلا
قبل تحليل الفروع ايتعمّق بالاصول
ولايبيح بغايته غير لفجوج الخلا
ياصديقي والسهم في طلوع وفي نزول
والسنين اتدور والسوق يرخص ويغلا
وانت من باب الميانة لشبّاك الفضول
تحتري لك حاجة ٍ ماوراها الا البلا
طيع شوري خل الاسرار في قلب الملول
لاتزيد الطين بلة على شان الغلا
الله ______الله______الله
صح اللساااااااااااااااااااااااااانك
اخوووووووووووووووووي
تـــــــركــــي
مليوووووووووووووون
ابداااااااااااااااااااااااااااااااااااع
سجلنــــــــي
بالخط العريــــض
من متابعـــيكــ
وتقبــــــــل
تحيــــــــاتي
اخــــــوكــ
عبـ هليـــل ــدالعــزيــز
|