السلام عليكم ورحمة الله وبركاته

لكم مع التحية .. قديمه مثل الجديده ..





[poem=font="Simplified Arabic,5,darkred,bold,normal" bkcolor="royalblue" bkimage="backgrounds/27.gif" border="double,6,burlywood" type=2 line=0 align=center use=ex num="0,black"]

يا سلسال الذهب ياللي على صدرالغضي ترتاح=على صدرالغضي من عام ابو..ضاري على الراحه

حداني دونك اللي حط دونك قفل ابو مفتاح=وعن عين الهواوي والحرامي دس مفتاحه

وانا ما ادري عن السارق وانا مدري عن المزاح=انا عيني شفوقه صادقه ماهي بمزاحه

الدبها عجب فالخوخ والرمان والتفاح=وعرض السوق كم خوخه ورمانه وتفاحه

ولا يا زينها يوم افتكر مع طشت الاصباح=سواليف الطيور وسالفة وجهك ومصباحه

تصبحني بخير وخير يا طيرٍ نفضك جناح=انا وياه وجناح الرضى والطير وجناحه

رضى برقه ليا من لاح برقي بالرضى لواح=وانا ما احسّبْ بروقه بالرضى ماهي بلواحه

دليلي فيه قلبه والقلوب اللي تحب صحاح=ما يدخلها خطى مع البطى وصحاحي صحاحه

معاهدني على الحشمه فدا خشمه قصير اشباح=وخير الناس تفدا خشومها من تقصر اشباحه

نعم هذا الغلا والا فلا .. يا مولع المصباح=ولاشي نور من نور القمر ما غير مصباحه

انيق الناس من غرشة عطر فواح عطره فاح=وعطر القلب زولٍ صورته فالقب فواحه

جديله ليل حالك والثنايا نورها وضاح=كما ضوء النجوم اللي على السارين وضاحه

وعينه شلفها من تحتها والمركزات رماح=ومن يسلم صواب الشلف ما يسلم من رماحه

وخشمه سلة السيف المهند من يد الذباح=ليّا اومابه على روس العرب ماشيف ذباحه

ولا وااحر كبدي كان ماهوّن عن المرواح=تبا تطرق بميسم شوقها من عقب مرواحه

ولاحاصل لها ما علق السلسال فالتفاح=ولاخوخه ورمانه ولا فكه ولا راحه !![/poem]




//
\\
//


..ــ وسلامتكـ/م ــ..

اخوكم // مشخص السلمي ،،