عناد النفيعي

صاحبـي ماكـل راس يستحـق انـك تبوسـه
فيه راس اعدل غلاه وفيه راس اعـدل ميولـه


الله .. ولله درررررررررك ياهداج .. وانا اشهد انك صدقت ..



مل قلب ضيقت صدره وعاثـت بـه هجوسـه
بيـن شــي وده يقـولـه ولا وده يقـولـه
كلمة منها عـروق القلـب والكبـد محموسـه
قيضت روض الفـواد ولمـت الاحـزان حولـه
ان كتمها كنها شلفـا فـي الصـدر مغروسـه
ون حكاها فرحـت العـذال واكثـرت العذولـه
ياوجودي طال حبل الهـم والاوضـاع حوسـه
والعرب كل(ن) على ماطاب له يشعـب ذلولـه
صار وجه الصبح شاحب لون وايامـه عبوسـه
وارتدا ليلـه عبـاة الهـم واسترخـت سدولـه
اشهد ان شرهة غلاة القـوم مـره ومحسوسـه
مايحـس بمرهـا الا مـن تحاشـى لاتطولـه
البلا انه داخل بيـن العـرب فالحـب سوسـه
والعرب تحكم على الظاهر وبالشرهـة عجولـه
عاذلي0لا0لا0تقوس الجـرح تكفـا لاتقوسـه
دون جرح العـام الاول واحـد ماحـال حولـه
الزمن تقرع سنينه والجمل تصـرف ضروسـه
الزمن شال الخطايـا والجمـل شـال الحمولـه
يازمـان كلمـا قلنـا نجحنـا فـي دروســه
لادروسه قافيتنـا جولـة مـن عقـب جولـه
كل يـوم والسنيـن جـداد والدنيـا عروسـه
والتجارب تصقـل الرجـال وتزيـد محصولـه
التجـارب علمتنـا كـل وقـت ولـه لبوسـه
وكل شي ولو يطول به المدى يرجع لـاصولـه
علمتنا نلبس الرجـال بشتـه حسـب قوسـه
لانقلـل بـه قيـاس ولانزيـده فـوق طولـه
صاحبـي ماكـل راس يستحـق انـك تبوسـه
فيه راس اعدل غلاه وفيه راس اعـدل ميولـه
وفيه راس لاتردد لـاستـوى للـدوس دوسـه
لاتجيره من مزاليـق الطمـان ومـن وحولـه
والوجيه اشكـال مابيـن التفـاؤل والنحوسـه
وبين وجه صعب(ن) استحماله وصعب(ن) قبوله
وبين وجه سمح الله خلقتـه واظهـر شموسـه
وجه دين ووجه طيب ووجه فزعـات ورجولـه
ذالك حطـه للزمـن ذخـر وجنبـه الحسوسـه
تاجـده لاشلهبـت ليـام ماضيـت(ن) فعولـه
ون بغيت الكلمه اللي لاغـدت لريـاء عموسـه
تغني العراف عن لغـو الكـلام وعـن فصولـه
واحد(ن) مايستلـذ الطيـب ويسقـي غروسـه
قاصر(ن) شبره عن الطالـه ويمنـاه امغلولـه


هداج .. ناصر الحارثي .. منذ أن قرات لك قصيدتك والموجود منها توقيعك الحالي .. وانا احد معجبيك واحد جماهيرك العريضه .. ولي الشرف بذلك ..


ناصر الحارثي يكفي الشعر انصافا ذكر اسمك كأحد أهم أهم ناظميه ..

بانتظار كل ماتكتب بشوق واعجاب كاااااامل ..

سلامي عليكـ ..

.




ss15s1@hotmail.com