الأخ العزيز الشاعر / حسن علي الهاجري
عليكم السلام ورحمة الله وبركاته .. والله يسعد اوقاتك بالخير والمسرات
حقيقه اني عاجز عن الشكر والعرفان لك وللاخ الاعلامي المعروف الشاعر / حمد فالح المطبوخ الهاجري
وشهادته مصدر فخر واعتزاز وتشرفني والذي خلقني ، ويكفيني فخرا ان يطري بكلمه واحده فما بالك بقصيدة رائعه و وافيه ومستوفاه . فهو ممن يسعون للحفاظ على الموروث وتشهد له مساعيه الطيبه في هذا المجال ورأيه بلاشك محسوب ويسعدني .. فعلا الرد محرج لكن ... ردي المتواضع أعلم انه لن يفيه حقه
لا يفوتني شكر اخواني واخواتي الكرام جميعا هنا وعساهم ذخر ،،
يابوعلي رد النبا لا عدمناك
لأصدق رواة الشعر ومقدّمينه
وصّلت علم اللي من الناس وصّاك
صح الله لسانه وتسلم يمينه
الله على مسعاك بالخير يجزاك
يا اللي نصفت الطيب بينك وبينه
شهادة التقدير من وعي وإدراك
أمانة ٍ بين اليدين الأميــنه
تسلم يا بوفالح ومن طيب مجناك
قدّمتها لأهل القلوب الفطينه
لي الفخر فيها ومنها ولولاك
ماقمت أماري بالحصون الحصينه
ولا جاء مجال الشعر منا ومناك
( طلعت مثل الشعره إمن العجينه )
سجّلت لي بالطيب والعيب عدّاك
قاف ٍ على معناه ما شفت زينه
يا اللي بخصت الحال ماهوب يخفاك
ما ودّنا نجرح سلوك المكينه
أنت أعرف العراف والعلم ينصاك
تشوفها ومراية الرجل عينه
شكرا يا راع الجود والجود مرباك
ومن يستعن بالله ربي يعينه
وعذرا يابوفالح لتواضع الرد ، عسى عمرك طويل ولا عليك انت والأخوان جميعا زود ،
|