مايلـــــيق الشعر إلا في جنابه
.. .. .. .. .. ضاع عقل الشعر لامنه تهــــــيا

ذاك لامنه مشـــــــا كله رتابه
.. .. .. .. .. شفت لون الفجر فــي ذاك المحيا

لابغيت آصله يخدعني ســــــرابه
.. .. .. .. .. وإن بغا وصلي ملاني بالحــــميا

لاحكا فنٍ من فنون الخــــــطابه
.. .. .. .. .. وإن سكت زاد الحكي بشــفاه غيا

وإن مشا ماعاد في قلبي طبــابه
.. .. .. .. .. ولاإلتفت لي في عجل بحت الكنـيا

لا والأدهى والأمر عينه..حــجابـه
.. .. .. .... حافرٍله سهم في قلبــــــي هنيا

لاوالأعظم من كذا طيــــب وذرابه
.. .. .. .. .. ماطلبته يـــــــوم في شيٍ وعيا

لباقلبه.. لباروحه ..مع شبـابه
.. .. .. .. .. لبا حبٍ وسط هالضلعــــــين حيا

لبا حسن سلوك سيـــرته وآدابـه
.. .. .. .. .. لبا صوته يــــوم ياخذني إليـا

لبا كل ماينطقه حضرة جنــــابه
.. .. .. .. .. لبا شعرٍ كل ماشفته تهيـــــــا

والله إني قدها قول وفعايل
.. .. .. والقصايد مالها إلا بنت أبوها