الشاعر الكبير خضير البراق كم نعشق هذا الاسم شاعر وصحفي ومعد صفحة شعبية نعرفه بإخلاصة وجهوده المتميزة خدم الشعر الشعبي بكل صدق :


الشعر ينعاف يا نواف
ما عاد له عندنا مزّه
أصبح مجرد عبَث وإسفاف
وأفكار وأوزان مهتزّه
مريض .. يحتاج للإسعاف
وانء طاب يحتاج له هزّه
زهَد به الشاعر الشفـّاف
وأختاره الشاعر الرزّه
اللي وقـَف به على ميهاف
وصار يتحرّى متى الدزّه
شعءر المجلات خلـءف خـءلاف
ما له حفاوة ولا فزّه
صوره وعنوان فوق غلاف
عزّوز يجلس تحَت عزّه
ضد التقاليد والأعراف
اللي بها الناس معتزّه
وفوضى وتهريج واستخفاف
وأذواق للشعر مبتزّه
وشعر ( المواقع ) قليل إنصاف
كل البشر فيه مرتزّه
مختـَلـءطةٍ عنده الأصناف
والباز عنده كما الوزّه
كلٍَ على موقعه وقـّاف
يراقب الوضع ويقزّه
يقول أنا الموقع المضياف
إقلط على كبسة المزّه
لو جاه في اليوم عشر آلاف
يقول : يا برءك هالحزّه
شاشه وفاره وتلغراف
ما من كلافه لأهل غزّه
ينعاف يا صاحبي ينعاف
من وضعه النفس منكزّه
وءلا أقول أنا كامل الأوصاف
ماني بمعصوم ومءنـزّه
أصيب وأخطي ولي محراف
ولا همّني لابس البزّه
شاعر وناقد وأصون القاف
اللي عراويه منجزّه
وانء جيت للحق يا نواف
الشعر ما عاد له مزّه

وشكرا لكم