الغالين الاحبه في مرقاب الابداع

مساء الخير


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]


هفهف الغربي وناش الروضه الممطوره=مع ذرور الشمس وادنى من نداه الحاني

حي ذعذاعه وبارد نسمة وزهوره=لو فتحت الجيب واسكرني ولاصحاني

مرحبا من لمعة البارق ليا ديجوره=يابعد دم الوريد ومختصر خلاني

ياطلوع البدر واسمك بيّنٍ من نوره=يادقاق الرمش مدري ياغصين الباني

ياشبيه اللي بحيد ظلالهامذعوره=خشف ريم والذيار بقلبها من داني

ياوزين الدانه اللي بالغلا مشهوره=لو تسلمه اليمين ايسارها مرضاني

واشكرك والخطوه اللي جابتك مشكوره=جعل معدم هالوصول وهالجمال الغاني

والعيون اللي من عيون الملا مخطوره=وانهزاعت عودك اللي بالصبا رياني

ان قتلت انهيت لوعة روحي المقهوره=والهوى اللي من ضياعي جابني وداني

وان رويت عروقي اللي بالجفا مدهوره=والتهب جمرك وذوب ثلجته واسقاني

جعل عمري من فدايا ضحكة وسروره=واحد مر الدروب بموتتي واحياني

وانت ياللي لك يمين اعن الوفا مقصوره=والقصيد مضيّر (رجزه)على (الشيباني)

لو عطاك الحظ حبر وريشة مشعوره=وابتلت فيك الصحافه والتعب مجاني

وافرشولك شلة (اليوماح)و(الطمبوره)=لاتهقوى انك تزوّر ماقفي ولساني

البحور الهوج لازرقا ولا مشبوره=والمراتب ماتعدى الاولي والثاني

في بيوتك كسر وزن وكلمة مكسوره=والك عين مثلها والعلم مايخفاني

لو تداريها وتمحي كتبة السبوره=من يحل الدرسعي يدري عن الريحاني

زمها زم الذليل وعدها مسموره=فالضلوع تموت ماتبرى ولاتنساني

حولك حظك وراس ماربح من شوره=يوم هفت بك يدان وغرتك ياداني

فالمحل اللي يهيل ولاتطير طيوره=وانثبرت وركبت الحبه على النيشاني

واخذها كلمه وعلم وحكمة منشوره=وان فهمت ومافهمت اقضع على الصوّاني

من يغص بلقمته لومه على حنجوره=ياشريك رواية العبري عن النصراني

والقصيد اللي ينومس مطلع وحضوره=لو معنون له من اسمي بيّنٍ عنواني

راعي الباكور لو كل لزم باكوره=من يسد بماقفه واليا احتمى الميداني

اكتبه واغليه واعرف لذته وشعوره=وابدعه من هجرست عوجي ومن شرياني

ان قدحته مكسر الجاوي على جمهوره=وان نشرته مايحالا بالذهب ميزاني

وان تركته واعتذرت وسجته معذوره=من يجيبه في طواريقي وفي قيفاني

لو معده راس مال وحسبة مذخوره=عز راسي في بني عمي ومن جداني[/poem]

[poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وان ماوصلتك لاتنشد لاصدوق ولاصديق اسبل دمموعك واعرف ان الارض ماني فوقها[/poem]

khalidalotaibi1@hotmail.com