منتديات المرقاب الأدبية - عرض مشاركة واحدة

13-06-2005, 01:55 PM

هفهف الغربي وناش الروضه الممطـوره
مع ذرور الشمس وادنى من نداه الحانـي

حي ذعذاعـه وبـارد نسمـة وزهـوره
لو فتحت الجيب واسكرنـي ولاصحانـي

مرحبا من لمعة البـارق ليـا ديجـوره
يابعـد دم الوريـد ومختصـر خـلانـي

ياطلوع البدر واسمك بيّـنٍ مـن نـوره
يادقاق الرمش مدري ياغصيـن البانـي

ياشبيـه اللـي بحيـد ظلالهامـذعـوره
خشف ريم والذيـار بقلبهـا مـن دانـي

ياوزين الدانـه اللـي بالغـلا مشهـوره
لو تسلمه اليميـن ايسارهـا مرضانـي

واشكرك والخطوه اللي جابتك مشكـوره
جعل معدم هالوصول وهالجمـال الغانـي

والعيون اللي من عيون الملا مخطـوره
وانهزاعت عودك اللـي بالصبـا ريانـي

ان قتلت انهيت لوعة روحـي المقهـوره
والهوى اللي من ضياعي جابني ودانـي

وان رويت عروقي اللي بالجفا مدهـوره
والتهب جمرك وذوب ثلجتـه واسقانـي

جعل عمري من فدايا ضحكـة وسـروره
واحد مـر الـدروب بموتتـي واحيانـي

وانت ياللي لك يمين اعن الوفا مقصـوره
والقصيد مضيّر (رجزه)على (الشيبانـي)

لو عطاك الحظ حبر وريشـة مشعـوره
وابتلت فيك الصحافـه والتعـب مجانـي

وافرشولك شلـة (اليوماح)و(الطمبـوره)
لاتهقوى انـك تـزوّر ماقفـي ولسانـي

البحـور الهـوج لازرقـا ولا مشبـوره
والمراتـب ماتعـدى الاولـي والثـانـي

في بيوتك كسر وزن وكلمـة مكسـوره
والك عيـن مثلهـا والعلـم مايخفانـي

لـو تداريهـا وتمحـي كتبـة السبـوره
من يحل الدرسعي يدري عـن الريحانـي

زمهـا زم الذليـل وعدهـا مسـمـوره
فالضلوع تمـوت ماتبـرى ولاتنسانـي

حولك حظك وراس ماربح مـن شـوره
يوم هفت بـك يـدان وغرتـك يادانـي

فالمحل اللـي يهيـل ولاتطيـر طيـوره
وانثبرت وركبت الحبـه علـى النيشانـي

واخذها كلمه وعلـم وحكمـة منشـوره
وان فهمت ومافهمت اقضع على الصوّاني

من يغص بلقمته لومه علـى حنجـوره
ياشريك رواية العبري عـن النصرانـي

والقصيد اللي ينومس مطلـع وحضـوره
لو معنون له من اسمـي بيّـنٍ عنوانـي

راعي الباكـور لـو كـل لـزم باكـوره
من يسد بماقفه واليا احتمـى الميدانـي

اكتبه واغليه واعـرف لذتـه وشعـوره
وابدعه من هجرست عوجي ومن شرياني

ان قدحته مكسر الجاوي على جمهـوره
وان نشرته مايحـالا بالذهـب ميزانـي

وان تركته واعتذرت وسجتـه معـذوره
من يجيبه في طواريقـي وفـي قيفانـي

لو معده راس مـال وحسبـة مذخـوره
عز راسي في بني عمـي ومـن جدانـي

اشهد ان لا اله الا الله ...
خالد الله يجعل اثنينٍ عقبوك فالجنه قل امين

... طولت وعزالله جيت باكبر غنيمه
واسمك لحاله غنيمه فما بالك وانت تجي بهالدره يابو محمد
خالد والله العلي العضيم اني مدري وش اقول
لكن تقبل خالص الود وقصور الرد