الدروب امواجها العشاق والمرسى الرصيف***والله اني كنت أحسب الوقت فيها مضيعه
((والحنايا حاتميه ومن يمر يمر ضيف *** من دخلها نحتفيبـه مـن طلـع مانمنعـه ))
و العروض المغريه وقف لها الطبع العفيف*** بلعبة الطماع لاطامـع ولالـي مطمعـه
ومرت أيام وليالي والبصركنه كفيـف*** واشهرٍفـوق الثـلاث ولايجـن الأربعـه **
والمضيف يتبرع والبلا صدالمضيف*** ماتنـازل مـن غـروره والعـرب متبرعـه !!
وشاءت الأقداروالرحمن والحض الحليف*** واجتمع شملاً شتـاتٍ مابغـى الله يجمعـه
والتقينا في رحاب الشوق والصمت المخيف***ولاملا عينٍ تشوف ولا سموعٍ تسمعه !!!
تسقط أوراق الشجروتموت في فصل الخريف*** مثل ماتسقط مشاعر من شعاره يرفعـه
كنت أعيش بحيرتي في الموقف الصعب الظريف*** قبل مايقطع كلامه ويتوشح برقعه ؟
(يالطيف الطف بلطفك ياكريم ويا لطيف*** يامبدل ساعتك من ساعـة الضيقـه سعـه )
قلتها والبرق يبرق في دجى ليل المصيف*** واصبحت دار السناوي من خياله مرجعـه
ويش اقول ويش اوصف مال وصفه من وصيف*** تذهل أهوال القيامه الحنون المرضعه
((من تحت هاك الهلال وبين رمح وبين سيف*** وردتينٍ مورقاتٍ مزهـراتٍ مينعـه ))
ضوهاشمس الجبين وشربهاالدم الخفيف*** ومشرفه على خليـة نحـل والـي يجمعـه
ياغسق ليلة متونه يادجى اليـل الكثيـف*** يابيـاضٍ فـي عيونـه ياسـواده موسعـه
مابقى طرفٍ كحيل ولا أنخلق خصرٍ نحيف*** غيرخلي لـه بدايـه او نهايـة مرجعـه
اجتمع حسن وجمال أخلاق والأصل الشريف*** الله أكبر نور فوقه نـور زاده شعشعـه
يتلألأ كنه الياقوت والحد الرهيـف*** فـي عيونـي مارويتـه فـي كلامـي مشبعـه
وقبل مايالف عليه مادخل قلبه وليف*** أحمد الي خصني به بعـد فـي الحسـن أبدعـه
ياعجائب قدرت الرحمن في الغض اللطيف*** أنبته نبتة جمال من الجذورالـى أفرعـه
صح لسانك يا خالد العتيبي على هذه الجزله التي امتعتنا بها
دمت بخير
|