منتديات المرقاب الأدبية - عرض مشاركة واحدة

01-07-2005, 03:19 PM

ألا ياخويّـي خـلّ الأعـمـال بالنـيـات
على منهج الخالق .. ومع سنـة الهـادي
حقيقه ترى الحسنات تقضي على السيـات
لكن الـدروب ثنيـن : سيـده ومتحـادي
وأنا والله إنّـي مـدري اللـي تبـاه أيّـات
لاصار أنت في وادي .. وصاحبك في وادي
لكن اقرب اقرب دوك .. ياحامـي الهيـات
عشـان انتفاهـم بيننـا يابـن الأجـوادي
أبا أخبرك وجه لوجه .. من دون جاهيـات
وأقـول الحقيقـه دامهـا شـربـي وْزادي
مابينـي وبيـن اللـي .. ينـمّ اتفاقيـات
لايقـدر يصاحبنـي .. ولا يقـدر يْعـادي
ولا أفرّق الروحـات عنـده مـن الجيـات
هـاذي شغلتـه ماغيـر سـرداد مـردادي
ماعمره مشا فاضـي .. حمولـه خياليّـات
يشب الفتـن .. ويشوفهـا كنّـه حيـادي
ترى الفرق واضح بيـن الآحـاد والميّـات
ولايشتبه فيهن .. سـوى التايـه الغـادي
لـو إن السوالـف ماتسبّـب حـزازيّـات
لقيت القبايل هاديـه .. والوضـع هـادي
لكن ماش رجـل ألاّ يجـي فيـه سلبيـات
حقيقه .. ماهيـب هـروج دلـه وبـرادي
سموم العقارب .. والثعابيـن .. والحيـات
ماتفرق عن هروج الخطـا ِسـمّ الأكبـادي
لاجاء حرف مخطي .. يعتبر عن عشر كيّات
على الكفو .. والمبدول تصبح معه عـادي
وأنا شرهتي يقصـر مداهـا عـن العيـات
وتلحق رجال العـرف .. وقـروم الأولادي
وأقـدّم لهـم شكـراً وتقديـر وتْحـيـات
وقاف القصيده .. ختمه المسـك والكـادي

-----------

الله يبيض وجهك

ويرحم اثنينن خلفوك

مروري سلام ولك نبا نرفع الرايات
----- تحية صداها لج به غرب بفدادي

تحياتي لك

اخوووك

.